Sangli News – आलिशान मोटारीने 10 वाहनांना उडविले, चालक ताब्यात

माधवनगर ते खोतवाडी (ता. मिरज) या मार्गावर शनिवारी रात्री आलिशान चारचाकी वाहनचालकाने ‘हिट अ‍ॅण्ड रन’चा थरकाप उडविला. तीन गावांतील 10 वाहनांना उडवत भरधाव वेगाने पळ काढला. तीन गावांच्या लोकांनी पाठलाग करून त्याला खोतवाडी येथे गाठले. शेतात त्याची चारचाकी अडवून धरली. शेकडोने असणाऱ्या नागरिकांच्या जमावाला पोलिसांनी तत्काळ पांगवत चालकाला ताब्यात घेतले.

आटपाडी तालुक्यातील गोमेवाडी येथील तो चालक असल्याचे समजते. दरम्यान, चार ते पाचजण जखमी झाले आहेत. या घटनेने वाहनधारकांचा थरकाप उडाला होता. गोमेवाडीतील एक तरुण आलिशान चारचाकी घेऊन सांगलीत आला होता. त्याच्यासोबत गाडीत एक महिलादेखील होती. तो चारचाकी घेऊन माधवनगर ते बुधगाव रोडवरून निघाला होता. यावेळी ‘हिट अ‍ॅण्ड रन’चा प्रकार घडला.

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.