वीज नाही, पाणी नाही; संपूर्ण देशात अंधार, पनामात नेमकं काय घडलं?

पनामात विजेचं मोठं संकट निर्माण झालं आहे. येथे वीजपुरवठा खंडित झाल्याने संपूर्ण देशात अंधार पसरला आहे. मिळालेल्या माहितीनुसार, संपूर्ण देशाला वीज पुरवणाऱ्या ला चोरेरा थर्मोइलेक्ट्रिक पॉवर प्लांटमध्ये स्फोट होऊन आग लागल्यानंतर पनामा पूर्णपणे ब्लॅकआऊट झालं आहे.

याबाबत माहिती देताना येथील स्थानिक अधिकाऱ्यांनी सांगितलं की, प्लांटच्या एका जनरेटरमध्ये तांत्रिक बिघाड झाल्यामुळे ही समस्या उद्भवली, ज्यामुळे देशभरात वीजपुरवठा खंडित झाला आहे. विजेअभावी नागरिकांना पाण्याची समस्याही भेडसावत आहे. अग्निशमन दल सध्या पॉवर प्लांटमधील आग विझवण्याचा प्रयत्न करत आहे. येत्या काही तासांत वीज हळूहळू पूर्ववत होईल, असं येथील स्थानिक अधिकारी म्हणत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.