School Bus Accident – शाळेत जात असताना स्कूल बस नाल्यात कोसळली, 20 विद्यार्थी जखमी
विद्यार्थ्यांना शाळेत घेऊन जात असताना स्कूल बस नाल्यात कोसळल्याची घटना शनिवारी सकाळी पंजाबमधील फिरोजपूरमध्ये घडली. बसमध्ये 20 विद्यार्थी होते. सुदैवाने यात कोणतीही जीवितहानी झाली नाही. मात्र विद्यार्थी किरकोळ जखमी झाले आहेत. घटनेची माहिती मिळताच स्थानिक पोलीस आणि आपत्कालीन पथक तात्काळ घटनास्थळी दाखल झाले.
एका खासगी शाळेची स्कूल बस शनिवारी नेहमीप्रमाणे विद्यार्थ्यांना घेऊन निघाली. यादरम्यान अरमानपुरा गावाजवळ बस नाल्यात कोसळली. आपत्कालीन पथकाने तात्काळ घटनास्थळी धाव घेत बचावकार्य सुरु केले. अपघाताचे नेमके कारण अद्याप समजू शकले नाही. फिरोजपूर प्रशासनाकडून अपघात प्रकरणी चौकशी सुरू आहे.
About The Author

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List