ऋषिकेशमध्ये राफ्टिंग करताना बोट उलटली, एका पर्यटकाचा बुडून मृत्यू

उत्तराखंडमधील ऋषिकेशमध्ये गंगा नदीत राफ्टिंग करताना बोट उलटल्याने एका पर्यटकाचा बुडून मृत्यू झाल्याची घटना समोर आली आहे. सागर नेगी असे मयत पर्यटकाचे नाव असून तो देहरादून येथील रहिवासी आहे. या दुर्घटनेचा व्हिडिओ सोशल मीडियावर व्हायरल झाला आहे. अपघाताची माहिती मिळताच स्थानिक पोलीस घटनास्थळी दाखल झाले.

सागर नेगी हा मित्रांसोबत देहरादूनहून ऋषिकेशला बुधवारी राफ्टिंगसाठी आला होता. ऋषिकेशमधील शिवपुरी येथून सर्वांनी गंगा नदीत राफ्टिंगला सुरवात केली. मात्र गरुड छत्ती पुलाजवळ पोहचताच त्यांची बोट अचानक उलटली. यामुळे बोटीतील सर्वजण पाण्याच्या जोरदार प्रवाहात वाहू लागले.

राफ्टिंग गाईडने तत्परता दाखव सर्व पर्यटकांना एक-एक करून सुरक्षितपणे राफ्टवर परत बसवले. मात्र सागर नेगी बेशुद्ध पडला. त्याला तात्काळ बाहेर काढत ऋषिकेश सरकारी रुग्णालयात नेण्यात आले. मात्र डॉक्टरांनी त्याला मृत घोषित केले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.