सध्याच्या धावपळीच्या जीवनात आपले मानसिक आरोग्याकडे फारसे लक्ष राहिले नाही. त्यामुळेच आपल्याला अचानक रडू येणे, एकटेपणा, ताण-तणाव या गोष्टींना सामोरं जावं लागत आहे. कामाच्या व्यस्ततेमुळे आपल्याला अनेक आरोग्याच्या समस्यांना तोंड द्यावे लागत आहे. सकाळच्या घाईगडबडीच्या दिनक्रमापासून ते ऑफिसच्या ताणतणावाच्या वातावरणात आनंद मिळणं हे दुरापास्त झाले आहे. त्यामुळेच आरोग्यावरही वाईट परीणाम होऊ लागले आहेत. ताण-तणाव हे सध्याच्या घडीला प्रत्येकालाच आहेत. अशावेळी या ताण-तणावावर मात करण्याचे उपाय शोधणं हे गरजेचं आहे.
ताण-तणावापासून दूर राहण्याचे महत्त्वाचे पर्याय
आपल्या शारीरिक आणि मानसिक आरोग्यावर ताणतणावाचे हानिकारक परिणाम टाळण्यासाठी ध्यान हा एक उत्तम मार्ग आहे. ध्यान आणि योग तणावाशी लढण्यासाठी आपल्याला खूप मदत करतात. मानसिक शांतीसाठी तणावापासून दूर राहणे हे अत्यंत महत्वाचे आहे. नियमित ध्यानधारणा मनाला शांत करण्यास मदत करते, तर योग शारीरिक लवचिकता आणि मानसिक आरोग्य वाढवते.
धावणे, पोहणे किंवा सायकलिंग यासारख्या दैनंदिन व्यायामामुळे एंडोर्फिन बाहेर पडतात. एंडोर्फिन शरीराचे नैसर्गिक मूड वाढवणारे असतात. सकारात्मक मानसिक स्थिती निर्माण करणारे असतात. त्यामुळे आपले शारीरिक आरोग्य सुधारते.
निसर्गाशी असलेले हे नाते मन आणि शरीर दोघांनाही ताजेतवाने करते, त्यामुळे मानसिक आरोग्य चांगले राहते.
आपण जे अन्न खातो ते तणाव रोखण्यात महत्त्वाची भूमिका बजावते. फळे, भाज्या आणि संपूर्ण धान्यांनी समृद्ध आहार ताण कमी करण्यास मदत करू शकतो, कारण निरोगी खाण्याच्या सवयी शारीरिक आणि मानसिक दोन्ही कार्य करण्यास मदत करतात.
झोपेचा अभाव ताण आणि चिंता वाढवू शकतो, म्हणून दररोज रात्री
7-8 तासांची शांत झोप आवश्यक आहे.
(कोणतेही उपाय करण्याआधी तज्ज्ञांचा सल्ला अवश्य घ्यावा.)
About The Author
Comment List