न्यायालयाने जामीन फेटाळला, कोरटकरचा तुरुंगातील मुक्काम वाढला

न्यायालयाने जामीन फेटाळला, कोरटकरचा तुरुंगातील मुक्काम वाढला

छत्रपती शिवाजी महाराज, छत्रपती संभाजी महाराज यांच्याबाबत अवमानकारक वक्तव्य आणि इतिहास संशोधक इंद्रजित सावंत यांना फोनवरून जीवे मारण्याची धमकी देणारा नागपूरचा तथाकथित पत्रकार प्रशांत कोरटकरचा कळंबा मध्यवर्ती कारागृहातील मुक्काम वाढला आहे. 14 दिवसांच्या न्यायालयीन कोठडीत असलेल्या कोरटकरच्या जामीन अर्जावर आज दोन्ही बाजूंच्या वकिलांनी जोरदार युक्तिवाद केला. त्यावर चौथे सहदिवाणी न्यायाधीश एस. एस. तट यांनी त्याचा जामीन फेटाळून लावला.

जुना राजवाडा पोलीस ठाण्यात गुन्हा दाखल झाल्यानंतर पोलीस संरक्षण असतानाही पळून गेलेल्या कोरटकरला कोल्हापूर पोलिसांच्या पथकाने तेलंगणातून जेरबंद केले होते. गेल्यावेळी न्यायालयातून सुनावणीनंतर बाहेर काढतानाही कोरटकरला कोल्हापुरी हिसका दाखवण्याचा दोन वेळा प्रकार घडल्याने त्यानंतर आज दुसऱ्या वेळीही कोरटकरला न्यायालयात सुरक्षेच्या कारणास्तव कळंबा कारागृह प्रशासनाने दुपारी 1च्या सुमारास व्हीसीद्वारे हजर केले. यावेळी कोरटकरचे वकील अॅड. सौरभ घाग व फिर्यादी इंद्रजित सावंत यांचे वकील अॅड. असीम सरोदे यांनी व्हीसीद्वारे, तर सरकारी वकील सूर्यकांत पवार यांनी न्यायालयात उपस्थित राहून युक्तिवाद केला. जुना राजवाडा पोलिसांनी कोरटकरला जामीन मिळू नये, यामुळे तपासावर परिणाम कशाप्रकारे होऊ शकतो याचे लेखी मुद्दे न्यायालयात सादर केले. कोरटकरवर दाखल असलेली कलमे जामीनपात्र असली तरी सामाजिक व धार्मिक तेढ निर्माण करणारा गंभीर स्वरूपाचा गुन्हा असल्याने जामीन फेटाळल्याचे कायदेतज्ञांकडून सांगितले गेले.

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

ठुकरा के मेरा प्यार… इकडं ‘मियां मॅजिक’नं RCB ची झोप उडवली, तिकडं मिम्सचा पाऊस पाडला; GT नंही हात धुवून घेतला ठुकरा के मेरा प्यार… इकडं ‘मियां मॅजिक’नं RCB ची झोप उडवली, तिकडं मिम्सचा पाऊस पाडला; GT नंही हात धुवून घेतला
पहिल्या दोन सामन्यात मिळवलेल्या विजयामुळे हवेत गेलेले रॉयल चॅलेंजर्स बंगळुरू संघाचे रॉकेट गुजरात टायटन्स संघाने खाली उतरवले. बुधवारी झालेल्या लढतीत...
‘पंतप्रधान मोदी माझे मित्र, पण…’, आधी कौतुक, मग टोमणे मारत डोनाल्ड ट्रम्प यांनी हिंदुस्थानवर लावला 26 टक्के टॅरिफ
Daily Horoscope – दैनिक राशिभविष्य – 3 एप्रिल 2025, जाणून घ्या कसा असेल आजचा दिवस
कामराने प्रेक्षकांची माफी मागितली! मिंधे गटाची ‘टर’ उडवत…
बीड जिल्ह्यात ‘माफिया राज’ला उधाण…अजित पवारांचा कार्यकर्त्यांना सुका दम
शिवप्रेमींनी गनिमी काव्याने शिवरायांचा पुतळा बसवला, परवानगी नसल्याने प्रशासनाकडून पुतळा काढण्याचा प्रयत्न; गावात तणाव, पोलिसांकडून लाठीमार
फोडा आणि राज्य करा हेच सरकारचे धोरण, गौरव गोगोईंचा मोदी सरकारवर घणाघात