तरुणाने अल्पवयीन मुलीचे एकतर्फी प्रेमातून अपहरण केल्यानंतर पुणे पोलिसांनी १२ तासांत संपूर्ण प्रकरणाचा उलगडा करीत मुलीची मुंबईतून सुटका केली आहे. ही घटना गुरुवारी (दि. २६) रात्री सव्वाआठच्या सुमारास धनकवडी भागात घडली. याप्रकरणी पीडित मुलीच्या आईने सहकारनगर पोलीस ठाण्यात फिर्याद दिली आहे.
धनकवडी भागात २६ डिसेंबर रोजी रात्री सव्वाआठच्या सुमारास घडली. १६ वर्षीय तरुणी तिच्या आईसोबत रस्त्याने जात असताना दुचाकीवरून आलेल्या दोन तरुणांनी त्यांना अडवले. खिशातून बंदुकीसारखं काहीतरी मुलीच्या आईच्या डोक्याला लावले. मुलीला जबरदस्तीने दुचाकीवर बसवून आरोपी फरार झाले.
हा सगळा प्रकार एकतर्फी प्रेमातून घडला असण्याची शक्यता आहे. आरोपी आणि तरुणी हे एकमेकांना ओळखतात. या आरोपींपैकी एका तरुणाचे संबंधित तरुणीवर प्रेम होते, असा संशय सध्या पोलिसांना आहे. आणि यातूनच त्याने हे कृत्य केल्याची माहिती समोर आली आहे.
आरोपीने संबंधित मुलीला मुंबईला घेऊन गेल्याची माहिती मिळताच, पुणे पोलिसांचे एक पथक मुंबईच्या दिशेने रवाना झाले. त्यानंतर आरोपी आणि संबंधित तरुणी हे खालापूर येथून पुण्याच्या दिशेने एका बसमधून येत आहेत, हे समजताच पोलिसांनी खालापूर गाठले. मुलीची सुटका केली. मात्र, तरुणाने पळ काढला. सहकारनगर पोलिसांनी या प्रकरणात यश कातूर्डे नावाचा तरुण आणि त्याच्या मित्रांवर गुन्हा दाखल केला आहे.
Comment List