बीडमध्ये आज सर्वपक्षीय मोर्चा, संपूर्ण शहरात अभूतपूर्व बंदोबस्त

मस्साजोगचे सरपंच संतोष देशमुख यांच्या अमानुष हत्येला अठरा दिवस उलटून गेले, मात्र या कटाचा मास्टरमाईंड अजूनही पोलिसांच्या हाती लागला नाही. देशमुख हत्याकांडाच्या सूत्रधाराला अटक करण्याच्या मागणीसाठी शनिवारी बीडमध्ये सर्वपक्षीय मोर्चा काढण्यात येणार आहे. जिह्यातील सर्व लोकप्रतिनिधींसह लाखो लोक या मोर्चात सहभागी होणार असून या पार्श्वभूमीवर शहरात अभूतपूर्व पोलीस बंदोबस्त ठेवण्यात आला असून वाहतुकीच्या मार्गातही बदल करण्यात आला आहे.

मोर्चात राष्ट्रवादी काँग्रेस शरद पवार गटाचे आमदार डॉ. जितेंद्र आव्हाड, खासदार बजरंग सोनवणे, आमदार संदीप क्षीरसागर, सुरेश धस, प्रकाश सोळुंके, नमिता मुंदडा, विजयसिंह पंडित यांच्यासह मराठा आरक्षण आंदोलनासाठी संघर्ष करणारे मनोज जरांगे-पाटील हे सहभागी होणार आहेत. सकाळी 10 वाजता भारतरत्न डॉ. बाबासाहेब आंबेडकर यांच्या पुतळ्यापासून मोर्चाला सुरुवात होणार असून, सुभाष रोड, अण्णाभाऊ साठे चौक, छत्रपती शिवाजी महाराज पुतळामार्गे हा मोर्चा जिल्हाधिकारी कार्यालयावर धडकणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.