आम्हाला इथंच गोळ्या घाला, पण पाकिस्तानसारख्या नरकात परत पाठवू नका! निर्वासित हिंदूंची याचना

पहलगाम येथे झालेल्या दहशतवादी हल्ल्यानंतर हिंदुस्थान-पाकिस्तानमधील तणाव वाढला आहे. हिंदुस्थानने पाकिस्तानी नागरिकांना दिलेले सर्व व्हिसा तात्काळ रद्द केले आणि पाकिस्तानी नागरिकांना देश सोडण्यास सांगितले. एवढेच नाही तर पाकिस्तानी नागरिकांना शोधून काढून त्यांना हिंदुस्थानातून हद्दपार करण्याची सूचना केंद्रीय गृहमंत्री अमित शहा यांनी सर्व राज्यांतील मुख्यमंत्र्यांना केली आहे. यामुळे हिंदुस्थानात राहणाऱ्या पाकिस्तानी हिंदू निर्वासितांमध्येही भीतीचे वातावरण पसरले आहे.

पाकिस्तानातील हिंदू नागरिकांना आधी जारी केलेल्या दीर्घकालीन व्हिसावर सरकारच्या निर्णयाचा परिणाम होणार नाही, असे केंद्र सरकारने स्पष्ट केले. मात्र जे पाकिस्तानी हिंदू निर्वासित अल्पकालीन व्हिसावर हिंदुस्थानात आले आहेत त्यांना अशी कोणतीही सवलत देण्यात आलेली नाही. त्यामुळे त्यांची चिंता वाढली असून पाकिस्तानसारख्या नरकामध्ये आम्हाला परत पाठवू नका अशी याचना त्यांनी केली आहे. ‘टाइम्स ऑफ इंडिया‘ने याबाबत वृत्त दिले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.