Salman Khan- आपटलेल्या चित्रपटांचा ‘सिकंदर’ ठरला ‘दबंग खान’! वाचा सविस्तर

ईद म्हणजे एकेकाळी सलमान खानचे चित्रपट असं समीकरण असायचं.  ईदची तारीख ही सलमानची तारीख असं बाॅलिवुडमध्ये म्हटलं जायचं. परंतु गेल्या काही वर्षांपासून मात्र ईदला आलेले सलमानचे चित्रट सपशेल आपटले आहेत. नाविन्य नसल्यामुळे, सलमान खानच्या फॅन्सचा चांगलाच हिरमोड झाला आहे. ईदच्या निमित्ताने दबंग, बजरंगी भाईजान, बॉडीगार्ड आणि सुलतान सारखे चित्रपट प्रदर्शित झाले आणि ते हिट झाले. पण गेल्या काही वर्षांत मात्र सलमानचे ईदचे सर्वच चित्रपट गंडलेले आहेत. अशाच गंडलेल्या सिनेमांवर एक नजर टाकुया.

ट्यूबलाईट
दिग्दर्शक: कबीर खान
कलाकार: सलमान खान, सोहेल खान, ओम पुरी

कबीर खान आणि सलमान खान यांनी ‘एक था टायगर’ आणि ‘बजरंगी भाईजान’ सारख्या मोठ्या चित्रपटांमध्ये एकत्र काम केले. म्हणून जेव्हा हे दोघे ‘ट्यूबलाईट’ नावाचा चित्रपट बनवत असल्याची घोषणा झाली तेव्हा चाहत्यांच्या अपेक्षा वाढल्या. हा चित्रपट प्रदर्शित झाला आणि बॉक्स ऑफिसवर फारसा चालला नाही. समीक्षकांनी ते कबीर खानच्या सर्वोत्तम कामांमध्ये मानले नाही. पण चित्रपटाच्या अपयशामागे दुसरेच काही कारण होते. सलमान खानच्या अनेक चाहत्यांची तक्रार होती की हा चित्रपट सलमानसाठी नव्हताच. 23 जून 2017  रोजी प्रदर्शित झालेल्या या चित्रपटाला पहिल्या दिवशी फक्त 21कोटी रुपये कमाई करता आली.

रेस -3
दिग्दर्शक: रेमो डिसूझा
कलाकार: सलमान खान, बॉबी देओल, जॅकलिन फर्नांडिस

सलमानचा हा चित्रपट 15 जून 2018 रोजी प्रदर्शित झाला होता, यावर भरपूर मीम्स तयार करण्यात आले होते. एकीकडे, चाहते या चित्रपटाला त्याचा सर्वात वाईट चित्रपट मानतात. असे असूनही या चित्रपटाने, तब्बल 166 कोटी कमावले होते.

भारत
दिग्दर्शक: अली अब्बास जफर
कलाकार: सलमान खान, कतरिना कैफ, दिशा पटानी

भारत हा चित्रपट कोरियन चित्रपट ‘ओड टू माय फादर’ चा हिंदी रिमेक होता. ही कथा भारत नावाच्या मुलाची आहे जो त्याच्या वडिलांना वचन देतो की तो त्याच्या कुटुंबाला एकत्र आणेल. ‘टायगर जिंदा है’ आणि ‘सुल्तान’ चित्रपटांचे अली अब्बास जफर यांनी या चित्रपटाचे दिग्दर्शन केले होते. 5 जून 2019 रोजी ‘भारत’ 4700 स्क्रीन्सवर प्रदर्शित झाला. या चित्रपटाला 42.30 कोटी रुपयांची ओपनिंगही मिळाली. पहिल्या आठवड्यात 150 कोटींचा गल्ला जमवला. परंतु नंतर मात्र अचानक हा चित्रपट उतरणीला लागला.

 

किसी का भाई किसी की जान
दिग्दर्शक: फरहाद सामजी
कलाकार: सलमान खान, वेंकटाश, पूजा हेगडे

हा चित्रपट 21 एप्रिल 2023 रोजी प्रदर्शित झाला. या चित्रपटाला फक्त 15 कोटींची ओपनिंग मिळाली. चित्रपटाचे पूर्ण कलेक्शन केवळ 110 कोटी रुपये इतके होते.

सिकंदर
दिग्दर्शक: ए.आर. मुरुगादोस
कलाकार: सलमान खान, रश्मिका मंदान्ना, सत्यराज

‘सिकंदर’ ला 30 कोटींची ओपनिंग मिळाली. चित्रपट दिग्दर्शनापासून ते अभिनयापर्यंत सर्वच पातळ्यांवर गडबडला आहे. त्यामुळेच भाईजानच्या चाहत्यांनीच त्याला ट्रोल करायला सुरुवात केली आहे. सलमान खानचे कट्टर चाहतेही ‘सिकंदर’वर चांगलेच नाराज झाले आहेत.