बॉलिवूडमध्ये कोणीही सलमानच्या ‘सिकंदरला’ पाठिंबा का दिला नाही? सलमान म्हणाला “त्यांना वाटतं मला त्यांची गरज…”

बॉलिवूडचा भाईजान सलमान खान सध्या त्याच्या ‘सिकंदर’ चित्रपटामुळे चर्चेत आहे. सिकंदर हा चित्रपट ईदच्या मुहूर्तावर चित्रपटगृहात प्रदर्शित झाला. yब़क्स ऑफिसवर तो चांगली कमाई करत असल्याचंही दिसत आहे. ‘सिकंदर’ चित्रपटाचा ट्रेलर प्रदर्शित झाल्यानंतर सलमान त्याच्या प्रमोशनमध्ये व्यस्त झाला. चित्रपटाच्या प्रमोशन दरम्यान, बॉलिवूडमधून इतर कोणीही त्याला सपोर्ट करताना दिसलं नाही. दरम्यान कोणाकडूनही पाठिंबा न मिळाल्याबद्दल सलमानने देखील प्रतिक्रिया दिली आहे. आणि त्याही प्रतिक्रिया व्हायरलही होत आहे.

सलमान खानच्या चित्रपटाला कोणत्याच सेलिब्रिटीचा सपोर्ट का नाही?

एका मुलाखतीत सलमान खानने सिकंदरबद्दल सांगितले. एवढेच नाही तर त्याने सनी देओलच्या जाट आणि मोहनलालच्या एल2 एम्पुरानबद्दलही वक्तव्य केलं. सलमान सर्वांच्या चित्रपटांसाठी पोस्ट करतो, त्यांना पाठिंबा देतो. पण कोणीही त्याच्या चित्रपटाबद्दल पोस्ट करताना दिसलं नाही आणि याचं सलमान खानलाही तेवढंच वाईट वाटलं.

सलमान खाननेही व्यक्त केली नाराजी 

सलमान खानला जेव्हा विचारण्यात आलं की जेव्हा जेव्हा एखादा नवीन चित्रपट येतो, तेव्हा सलमान त्या चित्रपटासाठी पोस्ट करतो. त्याला पाठिंबा दर्शवतो पण सलमानच्या चित्रपटाला कोणी इतर सेलिब्रिटी प्रमोट करताना दिसत नाहीय. यावर सलमानने प्रतिक्रिया देत म्हटलं आहे की, ‘मी कालच जाटबद्दल बोललो होतो. पण त्यांना वाटत असेल त्यांना कोणाचीही गरज नाही, किंवा माझी त्यांना गरज आहे पण तसं नाही सर्वांना कधीना कधी एकमेकांची गरज भासते’ असं म्हणत सलमान खाननेही एक नाराजी व्यक्त केली.

सलमानकडून इतर चित्रपटांचं कौतुकच 

सलमान पुढे म्हणाला की, ‘जसा मोहनलालचा चित्रपट येत आहे. मोहनलालचा चित्रपटही सिकंदरच्या दोन दिवस आधी प्रदर्शित होत आहे. मला आशा आहे की तो चित्रपट चांगला चालेल. सनी देओल येत आहे. सनी देओल पुन्हा एकदा चांगली कामगिरी करेल. मी ऐकलंय की मोहनलालनेही आमच्या चित्रपटाबद्दल बोललं आहे.” असं म्हणत सलमानने आता रिलीज होत असलेल्या नवीन चित्रपटांबद्दल सकारात्मकच भाष्य केलं आहे. “मोहनलालचा एल 2 एम्पूरान हा चित्रपट 28 मार्च रोजी प्रदर्शित झाला होता. जाटबद्दल बोलायचं झालं तर तो 10 एप्रिल रोजी थिएटरमध्ये प्रदर्शित होणार आहे”