यंदा होळीच्या दिवशी पहिले चंद्रग्रहण पार पडले. त्यामुळे आता सर्वांच्या नजरा सूर्यग्रहणाकडे लागल्या होत्या. सूर्यग्रहणाची तारीखसुद्धा जारी करण्यात आली आहे. या वर्षातील पहिले सूर्यग्रहण येत्या 29 मार्च 2025 रोजी म्हणजेच चैत्र महिन्याच्या अमावास्येच्या दिवशी दिसणार आहे. भारतीय प्रमाण वेळेनुसार हे सूर्यग्रहण 29 मार्चला दुपारी 2 वाजून 20 मिनिटांनी सुरू होईल, तर सायंकाळी 6 वाजून 13 मिनिटाला संपेल. म्हणजेच हे सूर्यग्रहण जवळपास चार तास चालेल, परंतु दुर्दैवाने 29 मार्च रोजी हिंदुस्थानात हे सूर्यग्रहण दिसणार नाही. हे सूर्यग्रहण आंशिक असेल. वर्षातील दुसरे सूर्यग्रहण 21 सप्टेंबर 2025 रोजी होईल व ते सूर्यग्रहणदेखील आंशिक सूर्यग्रहण असेल. म्हणजेच चंद्र सूर्याच्या फक्त एका भागाला व्यापणार आहे. आशिया, उत्तर अमेरिका, युरोप, आफ्रिका आणि आर्क्टिकसह जगभरातील अनेक प्रदेश या घटनेचे साक्षीदार होतील. मात्र उत्तर अमेरिकन प्रदेशात सूर्योदयासोबत ग्रहण दिसणार असल्याने या ठिकाणी ग्रहणाचे सर्वोत्तम दृश्य अनुभवायला मिळेल.
कुठे कुठे दिसेल सूर्यग्रहण
l उत्तर अमेरिका ः न्यूयॉर्क (यूएसए), मॉन्ट्रियल
(कॅनडा), हॅलिफॅक्स (कॅनडा), प्रेस्क आयल (यूएसए), ऑगस्टा (यूएसए), सेंट जॉन्स (कॅनडा), कुजुआक (कॅनडा).
l युरोप ः लंडन (यूके), पॅरिस (फ्रान्स), मद्रिद (स्पेन), बर्लिन (जर्मनी), ब्रुसेल्स (बेल्जियम), आम्सटरडॅम (नेदरलँड्स), डब्लिन (आयर्लंड), रेकजाविक (आइसलँड), ओस्लो (नॉर्वे), स्टॉकहोम (स्वीडन), हेलसिंकी (फिनलंड).
l आफ्रिका ः कॅसाब्लांका (मोरोक्को).
l इतर ठिकाणे ः नुउक (ग्रीनलँड), तोर्शवन (फॅरो बेटे), लॉन्गइअरब्येन (स्वालबार्ड, नॉर्वे), बेलुश्या गुबा (रशिया).
Comment List