सुरुवातच अशी तर पुढे कसं होणार? खातेवाटपावरून आदित्य ठाकरे यांचा महायुतीला टोला

मंत्रीमंडळ विस्तार होऊन चार दिवस उलटले तरी अद्याप सरकारचे खातेवाटप केलेले नाही. त्यावरून शिवसेना (उद्धव बाळासाहेब ठाकरे) पक्षाचे नेते, युवासेनाप्रमुख, आमदार आदित्य ठाकरे यांनी महायुतीला टोला लगावला आहे. आदित्य ठाकरे यांनी एक ट्विट करत महायुतीवर टीका केली आहे.

”मंत्रीमंडळाचा विस्तार होऊन चार दिवस झाले. हिवाळी अधिवेशन सुरू होऊन चार दिवस झाले. तरिही अद्याप मंत्र्यांना खातेवाटप झालेले नाही. लोकांचे प्रश्न कुणासमोर मांडाचे हे आमदारांना समजत नाहीए. महायुतीतील तीन पक्षांत खूप गोंधळ सुरू आहे. ज्यांनी ज्यांनी शपथ घेतल्यायत त्यांच्यात किती स्वार्थ आहे. आनंदाने लोकांची सेवा करण्याऐवजी ते खातेवाटपावरून भांडण्यात व्यस्त आहेत. हा निवडणूक आयोगाने दिलेल्या निकालाचा अपमान आहे. जर सुरुवात अशी असेल तर पुढे हे कसं होणार?, असे ट्विट आदित्य ठाकरे यांनी केले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.