बीडमधील केज तालुक्यातील मस्साजोगचे सरपंच यांच्या हत्येप्रकरणी पोलिसांनी आज दोन आरोपींना अटक केली आहे. सुदर्शन घुले आणि सुधीर सांगळे यांना अटक केली आहे. या प्रकरणी सर्व आरोपींची, सह आरोपींचीही नार्को टेस्ट करा. यांना फोन कोणी केले? स्वतःला वाचवण्याची यांना खून पचवायचा होता. तुमच्या मंत्रीपदासाठी लोकांचे लेकरं मारता का? सुट्टी नाही कोणाला. एका लेकराचा खून झाला हे यांच्यासाठी महत्त्वाचं नव्हतं. आरोपी सांभाळून ठेवणं हे यांच्यासाठी महत्त्वाचं होतं. इतके नालायकवृत्तीचे लोकसुद्धा राजकारणात आहेत, हे यातून सिद्ध झालं आहे, असा हल्लाबोल मराठा आरक्षण आंदोलनकर्ते मनोज जरांगे यांनी केला आहे.
संतोष देशमुख यांची हत्या खंडणीमुळे झाली आहे. खंडणीवाला याला प्रामुख्याने जबाबदार आहे. यांनी ते केलं नसतं म्हणून त्यांनी खून करायला सांगितला. आरोपींच्या मोबाइलचे कॉल रेकॉर्डही पोलिसांकडे आले असतील. खंडणी आणि हत्या करणारे या सर्वांची नार्को टेस्ट होणं गरजेचं आहे. कारण यात कोणत्या मंत्र्यानं, कोणत्या आमदारानं, सरकारमधला मंत्री आहे का एखाद दुसरा ज्याने यांना खंडणी मागायला आणि खून करायला बळं दिलं, हे समोर येणं गरजेचं आहे, अशी मागणी मनोज जरांगे यांनी केली.
100 टक्के सरकारमधले मंत्री याला खतपाणी घालत आहेत. कारण हे आरोपी इतके दिवस लपून राहताहेत. सुटून जाण्यासाठी हे काहितरी सामूहिक कट शिजवत आहेत. पोलिसांना हुलकावणी देण्याचा कट होतोय. या पाठिमागे सरकारमधला मंत्री, काही आमदार असायला पाहिजेत. तेच आरोपींना पळण्याचे आणि लपण्याचे सल्ले देत आहेत. इतक्या दिवसांनी अटक हो, पुण्यातच हो, असं सांगण्यात येत आहे. म्हणजे तुम्हाला पुण्याचं नाव बदनाम करायचं आहे का? बीडचं केलचं आहे, असा आरोप मनोज जरांगे पाटील यांनी केला.
Comment List