मुलुंडमध्ये हृदयद्रावक घटना, कारमध्ये अडकल्याने पाच वर्षाच्या मुलाचा गुदमरून मृत्यू

कारमध्ये अडकल्याने पाच वर्षाच्या मुलाचा गुदमरून मृत्यू झाल्याची घटना मुलुंडमध्ये घडली. कबीर कनौजिया असे मयत मुलाचे नाव आहे. खेळता खेळता मुलगा कारमध्ये घुसला. मात्र दरवाजा खोलता न आल्याने तो आत गुदमरला. याप्रकरणी पोलिसांनी अपघाती मृत्यूची नोंद केली आहे.

कबीरचे वडील अर्जुन कनोजिया यांचे पान शॉप आहे. गुरुवारी दुपारी कबीर वडिलांच्या दुकानाजवळ खेळत होता. यादरम्यान त्याला शौचास आली. वडिलांनी त्याला शौचास जाण्यास सांगून ते दुकानात झोपले होते. जाग आली तेव्हा कबीर बेपत्ता असल्याचे लक्षात आले.

वडिलांनी सर्वत्र कबीरचा शोध सुरू केला. आसपासच्या परिसरात शोध घेतला असता दुकानाजवळ उभ्या असलेल्या होंडा सिटी कारमध्ये कबीर बेशुद्धावस्थेत आढळून आला. त्याला तात्काळ वीर सावरकर रुग्णालयात नेण्यात आले. मात्र डॉक्टरांनी त्याला मृत घोषित केले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.