मीरा रोडमध्ये शस्त्र तस्कराला बेडय़ा

चार गावठी पिस्तूल. आठ जिवंत काडतुसांसह शस्त्रास्त्र तस्कराला गुन्हे शाखेच्या पथकाने मीरा रोडमध्ये बेडय़ा ठोकल्या आहेत. परमानंद म्हात्रे असे अटक आरोपीचे नाव असून त्याच्याकडून दोन लाख आठ हजारांचा मुद्देमाल जप्त केला. या प्रकरणी काशीगाव पोलीस ठाण्यात गुन्हा दाखल करण्यात आला.

मुंबई-अहमदाबाद मार्गावरील वेस्टर्न हॉटेलमध्ये राहणाऱ्या एका तरुणाने स्वतःजवळ बेकायदेशीर शस्त्रास्त्र बाळगल्याची माहिती गुन्हे शाखेचे सहाय्यक पोलीस निरीक्षक प्रशांत गांगुर्डे यांना मिळाली. त्यानुसार गुन्हे शाखेच्या पथकाने हॉटेलमध्ये धाड टाकली. ही कारवाई पोलीस आयुक्त मधुकर पांडे, अप्पर पोलीस आयुक्त दत्तात्रय शिंदे, गुन्हे शाखेचे पोलीस आयुक्त अविनाश अंबुरे, सहाय्यक पोलीस आयुक्त मदन बल्लाळ यांच्या मार्गदर्शनाखाली गुन्हे शाखेने केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.