लोकसभेतील विरोधी पक्षनेते राहुल गांधी देशातील जनसामान्यांचा आवाज बनले आहेत. सामान्यांचा आवाज ते देशभर पसरवत आहेत. त्यामुळेच त्यांचे तोंड बंद करण्यासाठी भारतीय जनता पार्टी त्यांच्यावर खोटय़ा केसेस दाखल करतेय, असा आरोप काँग्रेस प्रदेशाध्यक्ष नाना पटोले यांनी आज केला. राहुल गांधींच्या केसाला जरी धक्का लावला तर देश पेटून उठेल, असा इशाराही त्यांनी दिला.
काँग्रेस नेते राहुल गांधी यांनी महाराष्ट्रात येऊन जातीनिहाय जनगणना आणि आरक्षणाची 50 टक्क्यांची मर्यादा हटवणार असल्याचे जाहीर करत भाजपला मोठे आव्हान निर्माण केले आहे. त्यानंतर भाजपने राहुल गांधी यांना नक्षल समर्थक असल्याचा आरोप केला आहे. त्यावरून नाना पटोले यांनी भाजपवर टीका केली आहे.
राहुल गांधी यांना खोटय़ा प्रकरणात गोवण्याचा प्रयत्न भाजपकडून होत आहे. त्यांच्यामागे सीबीआय चौकशी लावून त्यांना महाराष्ट्रात प्रचार करता येणार नाही असे प्रयत्न केले जात आहेत. मात्र राहुल गांधी घाबरणारे नेते नाहीत, असे पटोले म्हणाले.
Comment List