मुंबई-गोवा राष्ट्रीय महामार्गावर राजापूर बसस्थानकासमोर गोव्याकडून आलेल्या आयशर टेम्पोमध्ये गोवा राज्यात विक्रीकरिता असलेल्या विदेशी मद्याचे 1058 बॉक्स (9949.0 लि.) सापडले. राज्य उत्पादन शुल्क पथकाने याप्रकरणी मद्य व आयशर टेम्पो असा एकूण रुपये 1 कोटी 2 लाख 35 हजार 440 किंमतीचा मुद्देमाल जप्त करुन आरोपींवर गुन्हा दाखल केला आहे.
राज्य उत्पादन शुल्क आयुक्त, जिल्हाधिकारी यांनी विधानसभा सार्वत्रिक निवडणुकीच्या पार्श्वभूमीवर अवैध मद्यावर कठोर कारवाई करण्याचे आदेश दिलेले आहेत. त्याअनुषंगाने दुय्यम निरीक्षक, राज्य उत्पादन शुल्क, भरारी पथक व दुय्यम निरीक्षक, राज्य उत्पादन शुल्क, रत्नागिरी बीट क्र 3 रेडींग स्टाफसह अवैध मद्यावर कारवाई करण्यासाठी रात्रगस्त घालून संशयित वाहनांची तपासणी करत आहेत. गुरुवारी सकाळी 06.15 च्या सुमारास मुंबई-गोवा राष्ट्रीय महामार्गावर राजापूर बसस्थानकासमोर गोव्याकडून आलेल्या आयशर टेम्पोची तपासणी केली असता, त्यामध्ये गोवा राज्यात विक्रीकरिता असलेले विदेशी मद्याचे 1058 बॉक्स (9949.0 लि.) मिळून आले. या गुन्ह्यात परराज्यातील मद्य व आयशर टेम्पो असा एकूण 1 कोटी 2 लाख 35 हजार 440 रुपये किंमतीचा मुद्देमाल जप्त केला आहे. तसेच आरोपीविरुध्द महाराष्ट्र दारुबंदी कायदा 1949 चे कलम 65 (अ) (ई). 81, 83, 90 अन्वये गुन्हा नोंद करण्यात आला आहे. या गुन्ह्या चा पुढील तपास एस.एन.इंगळे दुय्यम निरीक्षक, राज्य उत्पान शुल्क, भरारी पथक हे करीत आहेत
तसेच दि. २३ ऑक्टोबर, २०२४ रोजी मुंबई-गोबा राष्ट्रीय महामार्गावर संशयित वाहनांची तपासणी करीत असताना चंदेराई ते देवधे रस्त्यावरुन देवधे तिठ्यावर आलेली मारुती सुझुकी कंपनीची स्वीफ्ट गाडीची तपासणी केली असता, त्यामध्ये महाराष्ट्र राज्य बनावटीचे 59.84 लि. विदेशी मद्य व 30.24 लि. देशी मद्य अवैधरित्या वाहतुक करताना मिळून आले. या गुन्ह्यात अवैध देशी/विदेशी मद्य व स्वीफ्ट कार असा एकूण 4 लाख 8 हजार 220 रुपये किंमतीचा मुद्देमाल जप्त करुन आरोपीविरुध्द महाराष्ट्र दारुबंदी ‘कायदा 1949 ‘कलम 65 (अ) (ई) अन्वये गन्हा नोंद करण्यात आला आहे. सदर गुन्ह्याचा पुढील तपास निरीक्षक, राज्य उत्पादन शुल्क, जिल्हा भरारी पथकाचे अमित पाडळकर करत आहेत.
राज्य उत्पादन शुल्क अधीक्षक शेडगे, अधीक्षक व उप अधीक्षक हर्षवर्धन शिंदे यांच्या मार्गदर्शनाखाली दुय्यम निरीक्षक इंगळे, भरारी पथक, महाराष्ट्राज्य तसेच जिल्हा भरारी पथकाचे निरीक्षक पाडळकर, सचिन यादव, दुय्यम निरीक्षक, जिल्हा भरारी पथक, चंद्रकांत कदम, दुय्यम निरीक्षक, बीट क्र.03 व त्यांचा रेडींग स्टाफ यांनी केले.
जिल्ह्यात कोठेही हातभट्टी दारुची निर्मिती, विक्री, परराज्यातील अवेध मद्याची वाहतूक ब मद्यसाठा, बनावट माडी विक्री होत असल्याचे निदर्शनास आल्यास या विभागाचा व्हॉट्स अॕप क्रमाकv- 8422001133 व टोल फ्री क्रमांक- 18002339999 या क्रमांकावर संपर्क साधावा, असे आवाहन अधीक्षक, राज्य उत्पादन शुल्क, रत्नागिरी विभागाकडून करण्यात येत आहे. अवैध मद्यासंदर्भात बातमी/ खबर देणाऱ्या व्यक्तीचे नाव या विभागाकडून गुप्त ठेवण्यात येईल.
Comment List