रश्मी शुक्ला यांना निवडणुकीशी निगडित कोणत्याही कामात ठेवू नये, अंबादास दानवे यांची मागणी

पोलीस महासंचालक रश्मी शुक्ला यांना निवडणूक आयोगाने हटवलं आहे. हा निर्णय घ्यायला विलंब झाला अशी प्रतिक्रिया शिवसेना (उद्धव बाळासाहेब ठाकरे) पक्षाचे नेते अंबादास दानवे यांनी दिली आहे. तसेच पण शुक्ला यांच्या निवडणुकीशी निगडीत कुठलेही काम देऊ नये अशी मागणीही दानवे यांनी केली आहे.

एक्सवर केलेल्या पोस्टवर दानवे म्हणाले की, राजकीय हेतूने काम करणाऱ्या पोलीस महासंचालक रश्मी शुक्ला यांची बदली थोडी विलंबाने का होईना पण झाली. मात्र आमची निवडणूक आयोगाकडे ही मागणी असेल की रश्मी शुक्ला यांना निवडणुकीशी निगडित कोणत्याही कामात ठेवू नये. तसेच निवडणुकीच्या तोंडावर त्यांनी केलेल्या बदल्यांचा पुनर्विचार होऊन त्या रद्द करण्यात याव्यात अशा प्रमुख मागण्या दानवे यांनी केल्या आहेत.

राजकीय हेतूने काम करणाऱ्या पोलीस महासंचालक रश्मी शुक्ला यांची बदली थोडी विलंबाने का होईना पण झाली. मात्र आमची @ECISVEEP यांना ही मागणी असेल की..
१. रश्मी शुक्ला यांना निवडणुकीशी निगडित कोणत्याही कामात ठेवू नये.
२. निवडणुकीच्या तोंडावर त्यांनी केलेल्या बदल्यांचा पुनर्विचार होऊन…

— Ambadas Danve (@iambadasdanve) November 4, 2024