मिंधेंच्या पहिल्याच सभेत भोजपुरी आयटम साँग, सोशल मीडियात टीकेची झोड; महिलांमध्ये संताप

मिंधे गटाच्या पहिल्याच सभेची सुरुवात आयटम सॉँगने झाली. शिंदे गटाचे कुर्ल्यातील आमदार मंगेश कुडाळकर यांच्या प्रचारासाठी जाहीर सभेचे आयोजन करण्यात आले होते. सभा सुरू होण्यापूर्वी आयटम सॉँग सुरू झाले. तेदेखील भोजपुरी भाषेत. या गाण्यावर ठेका धरणाऱया मुलीसोबत सभेला उपस्थित असलेल्या तरुणांनीही नाचण्यास सुरुवात केली. त्यामुळे प्रचारसभेत उपस्थित असलेल्या महिला, मुलींनी प्रचंड संताप व्यक्त केला.

View this post on Instagram

A post shared by Saamana (@saamana_online)

कुर्ल्यातील या प्रचार सभेत झालेल्या आयटम सॉँगची चर्चा आता राज्यभरात रंगली आहे. प्रचारसभेत अशाप्रकारे आयटम सॉँग वाजवण्यात आल्याने नेटकऱयांकडूनही शिंदे गटावर टीकेची झोड उठली आहे. महाराष्ट्राची संस्कृतीच लोप पावत चालली आहे, निवडणुकीचे कुठल्याही प्रकारचे गांभीर्य नाही, अशी टीकाही अनेकांनी केली. प्रचारसभेत अनेक महिलाही होत्या. त्यामुळे महिलावर्गातही याप्रकरणी संताप व्यक्त होत असल्याची माहिती आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.