उत्तर प्रदेशच्या माजी मुख्यमंत्री आणि बहुजन समाज पार्टीच्या सुप्रिमो मायावती यांच्या भाचीने पतीसह सासरच्या लोकांवर हुंड्यासाठी आपला शारीरिक आणि मानसिक छळ केल्याचा आरोप केला असून पोलिसात धाव घेतली आहे. मायावती यांची भाची एलिसने पती नपुंसक असल्याचाही आरोप केला आहे. यानंतर न्यायालयाच्या निर्देशावरून पोलिसांनी पती, सासू, सासरे, नणंद, मेहुणा आणि वहिनीविरोधात गुन्हा दाखल केला आहे. पोलिसांनी 7 जणांवर घरगुती हिंसाचार, हुंड्यासाठी शारीरिक आणि लैंगिक छळ केल्याच्या आरोपांखाली गुन्हा दाखल केला आहे.
मायावती यांची भाची एलिस हिचे वकील राजीव शर्मा यांनी ‘पीटीआय’शी बोलताना सांगितले की, 9 नोव्हेंबर 2023 रोजी विशालशी विवाह झाला होता. नवी दिल्लीतील एका हॉटेलमध्ये हा लग्नसोहळा पार पडला. यानंतर पती, सासरे श्रीपाल, सासू पुष्पा देवी, मेहुणा भूपेंद्र, वहिनी निशा यादव, मावस सासरे अखिलेश यांनी हुंड्याची मागणी केली. पीडितेची सासू पुष्पा देवी या हापूड नगर परिषदेच्या माजी अध्यक्षाही आहेत.
Comment List