इंग्लंडजवळील उत्तर समुद्रात तेलवाहू जहाज आणि मालवाहू जहाजांमध्ये टक्कर, दुर्घटनेत 23 जणांचा मृत्यू; बचाव कार्य सुरू

उत्तर इंग्लंडच्या समुद्रकिनाऱ्याजवळ समुद्रात तेलवाहू जहाज आणि मालवाहू जहाजामध्ये जोरदार टक्कर झाली. टक्कर झाल्यानंतर दोन्ही जहाजांना भीषण आग लागली. या दुर्घटनेत 23 जणांचा मृत्यू झाला. मृतांचा वाढण्याची शक्यता आहे. ब्रिटिश आपत्कालीन सेवेकडून बचाव मोहीम सुरू आहे. काही क्रू मेंबर्स अद्याप बेपत्ता आहेत.

भारतीय वेळेनुसार दुपारी 3.18 वाजता लंडनपासून 250 किमी दूर हल किनाऱ्याजवळ ही दुर्घटना घडली. अमेरिकेचे तेल उत्पादन वाहक जहाज एमव्ही स्टेना इमॅक्युलेट नांगरलेले होते. तर सोलोंग हे मालवाहू जहाज स्कॉटलंडच्या ग्रेंजमाऊथहून नेदरलँडच्या रॉटरडॅमला चालले होते. यादरम्यान ही टक्कर झाली.

बचाव मोहिमेसाठी अनेक लाईफबोट्स, एक तटरक्षक दलाचे बचाव हेलिकॉप्टर, एक तटरक्षक दलाचे विमान आणि अग्निशमन क्षमता असलेली जवळची जहाजे पाठवण्यात आली असल्याचे ब्रिटनच्या सागरी आणि तटरक्षक दलाच्या एजन्सीने सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.