Rahuri crime news – शस्त्राचा धाक दाखवून 400 किलो लिंबांची चोरी

फार्महाऊसवर कामाला असलेल्या कामगाराला शस्त्राचा धाक दाखवून 400 किलो लिंबांची चोरी करणाऱ्या चौघांना राहुरी पोलिसांनी गजाआड केले आहे. आरोपींना राहुरी न्यायालयात उभे केले असता तिघांना तीन दिवसांची पोलीस कोठडी, तर एकाला न्यायालयीन कोठडी सुनावण्यात आली आहे.

विजय भिकाजी झावरे, अनिल उत्तम विधाते, चंद्रकांत मोहन बर्डे, ज्ञानेश्वर दादा घनदाट (सर्व रा. ताहराबाद, ता. राहुरी) अशी अटक केलेल्यांची नावे आहेत. याप्रकरणी शिवाजी जनार्दन सागर (वय – 60, रा. मल्हारवाडी, ता. राहुरी) यांनी फिर्याद दिली.

राहुरी तालुक्यातील ताहराबाद शिवारात पहाटे चोरीची ही घटना घडली होती. शेतातील कामगारास चौघांनी शस्त्राचा धाक दाखवून खोलीचे कुलूप तोडून 400 किलो लिंबू चोरून नेले होते. या घटनेची फिर्याद राहुरी पोलिसात दाखल करण्यात आली होती. या फिर्यादीवरून राहुरी पोलिसांनी गुन्हा दाखल केला आहे. पोलिसांनी गुन्ह्यात वापरण्यात आलेले हत्यार व ४०० किलो लिंबाचा तपास हेडकॉन्स्टेबल जानकीराम खेमनर करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.