पत्नीची दारू पिण्याची सवय ही पतीशी क्रूरता ठरत नाही. जोपर्यंत ती दारू पिऊन नशेत पतीशी अभद्र किंवा गैरवर्तन करत नाही, अशी महत्त्वपूर्ण टिप्पणी अलाहाबाद उच्च न्यायालयाने पती-पत्नीच्या घटस्फोटाशी संबंधित एका प्रकरणात केले आहे.
काय आहे प्रकरण?
पत्नी दारू पिते आणि काहीही न कळवता रात्री मित्र-मैत्रिणींसोबत वेळ घालवते, असा दावा करत पतीने घटस्फोटासाठी अर्ज दाखल केला होता. यावर न्यायालयाने म्हटले की, जोपर्यंत दारू पिऊन अयोग्य वर्तन करत नाही तोपर्यंत दारू पिणे ही क्रूरता ठरत नाही.
याचिकार्त्याने घटस्फोटाची मागणी करणाऱ्या अर्जात पत्नी क्रूर वागत असून आपल्याला सोडून गेल्याचे म्हटले होते. या प्रकरणाची सुनावणी न्यायमूर्ती विवेक चौधरी आणि न्यायमूर्ती ओमप्रकाश शुक्ला यांच्या खंडपीठासमोर झाली. त्यावेळी न्यायालयाने क्रूरता आणि त्याग या दोन्ही भिन्न गोष्टी असल्याचे म्हटले.
न्यायालयात ही बाब कुठेही सिद्ध झालेली नाही की दारू पिणे ही क्रूरता आहे किंवा दारू पिल्याच्या कारणास्तव जन्मलेल्या मुलांमध्ये शारिरीक व्यग आहे किंवा प्रकृती स्थास्थ ठीक नाही. याशिवाय पत्नीला आलेले फोन कॉल हे पुरुष मित्रांचेच आहेत याचाही कुठला पुरावा नाही. ज्याद्वारे पत्नी क्रूरपणे वागली हे सिद्ध होईल, असे निरीक्षण न्यायालयाने नोंदवले.
दरम्यान, याचिकाकर्ता पतीने 2015 मध्ये मेट्रोमेनियल साईटवरून ओळख झालेल्या महिलेची लग्न केले होते. मात्र 2016 मध्ये लहान मुलाला घेऊन पत्नीने घर सोडले आणि ती माहेरी रहायला गेली. तेव्हापासून दोघेही विभक्त राहत होते. याच आधारे न्यायालयाने दोघांच्या घटस्फोटाला मंजुरी दिली.
Comment List