‘या’ स्वस्त कार्समध्ये मिळतात 6 एअरबॅग्स, किंमत 5.92 लाख रुपयांपासून सुरू, सेफ्टीत आहे बेस्ट

अलीकडेच अनेक लोक नवीन कार खरेदी करताना कारच्या सेफ्टी फीचर्सकडे अधिक लक्ष देताना दिसतात. ग्राहकांना पूर्णपणे सुरक्षित कार हवी आहे. कार उत्पादक कंपन्यांनाही हे समजले असून ते आता परवडणाऱ्या किमतीत भरीव कार बाजारात आणत आहेत. आता तुम्हाला 6 एअरबॅग असलेल्या कार अगदी कमी किमतीत सहज मिळू शकतात. बहुतेक कंपन्या त्यांच्या कारमध्ये मानक म्हणून 6 एअरबॅग देत आहेत. यातच आम्ही तुम्हाला अशा कार्सबद्दल सांगत आहोत ज्यांची किंमत 7 लाख रुपयांपेक्षा कमी आहे आणि यात तुम्हाला चांगले सेफ्टी फीचर्स मिळणार…

Hyundai Exter

Hyundai Motor India Exter ही एक चांगली सब-कॉम्पॅक्ट SUV आहे, ज्याची किंमत 6.13 लाख रुपये आहे. सुरक्षेसाठी, कारमध्ये 6 एअरबॅग्ज, EBD सह ABS, सेंट्रल लॉकिंग यासह अनेक फीचर्स आहेत. यात 1.2L पेट्रोल इंजिन आहे. ही कार 18-20 किमी प्रति लीटर मायलेज देते. यात 5 जण आरामात बसू शकतात.

Hyundai Grand i10 Nios

Hyundai ची Grand i10 Nios देखील या यादीत आहे. यात 6 एअरबॅग्ज देण्यात आल्या आहेत. यात 1.2L पेट्रोल इंजिन आहे. ही कार 18-20 किमी प्रति लीटर मायलेज देते. यात 5 जणांच्या बसण्याची जागा आहे. याची एक्स-शोरूम किंमत 5.92 लाख रुपयांपासून सुरू होते.

Maruti Suzuki Swift

या कारची एक्स-शोरूम किंमत 6.49 लाख रुपये आहे. या कारमध्ये 6 व्हेरिएंट उपलब्ध आहेत. या कारमध्ये 1.2L लिटर 3-सिलेंडर पेट्रोल इंजिन आहे, जे 80bhp ची पॉवर आणि 112Nm चा पीक टॉर्क जनरेट करते. सुरक्षेच्या दृष्टीने या कारमध्ये अनेक चांगले फिचर्स आहेत. यात 6 एअरबॅग आहेत. या कारमध्ये 5 जण सहज बसू शकतात. यात हिल होल्ड कंट्रोल आणि ईएसपी सारखे फीचर्स देखील आहेत.