म्यानमार आणि थायलंड शुक्रवारी भूकंपाने हादरले असून 7.7 रिक्टर स्केलच्या भूकंपामुळे दोन्ही देशांमध्ये मोठी हानी झाली आहे. या भूकंपात आतापर्यंत 144 लोकांचा मृत्यू झाल्याची बातमी समोर आली आहे. तर यात 800 हून अधिक लोक जखमी झाल्याचं सांगण्यात येत आहे. या भूकंपाचे केंद्रबिंदू म्यानमारमधील मंडाले शहरात होते. या भूकंपाचे धक्के हिंदुस्थान, थायलंड, बांगलादेश आणि चीनमध्येही जाणवले आहेत.
या भूकंपामुळे बँकॉकमध्येही अनेक इमारती जमीनदोस्त झाल्या आहेत. सोशल मीडियावर या घटनेचे अनेक फोटो आणि व्हिडीओ व्हायरल झाले आहेत, ज्यामध्ये कोसळलेल्या इमारती आणि बचाव कार्याचे दृश्य दिसत आहेत. दरम्यान, म्यानमार हा जगातील अशा देशांमध्ये समाविष्ट आहे, जो भूकंपाच्या बाबतीत धोकादायक देश आहे. म्यानमारमध्ये दरमहा 8 भूकंप होतात. यामागचे कारण म्हणजे, म्यानमारपासून रिंग ऑफ फायरपर्यंतचे अंतर जास्त नाही, जिथे जगातील 81 टक्के भूकंप होतात.
Comment List