Akola News – विटा वाहून नेणाऱ्या ट्रकची स्कूल व्हॅनला धडक, भीषण अपघातात 10 विद्यार्थी जखमी; 3 गंभीर

विटा वाहून नेणाऱ्या ट्रकने खासगी स्कूल व्हॅनला धडक दिल्याने भीषण अपघातात 10 विद्यार्थी जखमी झाले. जखमींपैकी 3 विद्यार्थ्यांची प्रकृती गंभीर आहे. अकोल्यात पातुर बाळापूर रोडवरील वाडेगाव जवळ हा अपघात घडला. जखमी विद्यार्थ्यांना उपचारासाठी शासकीय रुग्णालयात दाखल करण्यात आले आहे.

विटा वाहून नेणारा ट्रक बाळापूरकडून वाशिमकडे चालला होता. यादरम्यान ट्रकने स्कूल व्हॅनला धडक दिली. यानंतर ट्रक झाडावर आदळला. अपघातानंतर संतप्त नातेवाईक आणि स्थानिक नागरिकांनी रास्ता रोको केला. अपघाताची माहिती मिळताच स्थानिक पोलिसांनी तात्काळ घटनास्थळी धाव घेतली. पोलीस पुढील तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.