मुंबई महापालिकेतील एक सहआयुक्त, 6 उपायुक्तांसह 12 सहाय्यक आयुक्तांच्या आज बदल्या आणि बढत्या करण्यात आल्या आहेत. बदली झालेल्या अधिकाऱयांच्या पदस्थापनाविषयक आदेश मुंबई महापालिका आयुक्त भूषण गगराणी यांनी दिले आहेत.
या बदल्यांमध्ये विश्वास शंकरवार सहआयुक्त (परिमंडळ 4) यांची सहआयुक्त (कर निर्धारण व संकलन) (संपर्क अधिकारी, मागासवर्ग कक्ष) येथे बदली. भाग्यश्री कापसे- उपायुक्त (परिमंडळ 7) यांची उपायुक्त (परिमंडळ 4) येथे बदली करण्यात आली आहे. संजय कुऱहाडे – उपायुक्त (सार्वजनिक आरोग्य) (प्रकल्प संचालक, मुंबई जिल्हा एडस् नियंत्रण संस्था) यांची उपायुक्त (परिमंडळ 7) येथे बदली करण्यात आली आहे. तर शरद उघडे – सहायक आयुक्त (डी विभाग) यांची उपायुक्त (सार्वजनिक आरोग्य) (माहिती तंत्रज्ञान विभाग) (प्रकल्प संचालक, मुंबई जिल्हा एडस् नियंत्रण संस्था) येथे बदली करण्यात आली आहे. अजित आंबी सहायक आयुक्त (जी उत्तर विभाग) यांची उपायुक्त (उद्याने) येथे बदली करण्यात आली आहे. पांडुरंग गोसावी – प्रमुख लेखापाल (पाणीपुरवठा व मलःनिसारण) यांची उपायुक्त (मध्यवर्ती खरेदी खाते) येथे बदली करण्यात आली आहे. विश्वास मोटे – सहायक आयुक्त (एम पश्चिम विभाग) यांची उपायुक्त (परिमंडळ 3) येथे बदली करण्यात आली आहे.
विनायक विसपुते – सहाय्यक आयुक्त (एच पश्चिम विभाग) यांची सहाय्यक आयुक्त (जी उत्तर विभाग) (सहाय्यक आयुक्त, अतिक्रमण निर्मूलन, पूर्व व पश्चिम उपनगरे) येथे बदली करण्यात आली आहे. तर मनीष वळंजू – सहाय्यक आयुक्त (के पूर्व विभाग) यांची सहाय्यक आयुक्त (डी विभाग) (सहाय्यक आयुक्त, बाजार विभाग – अतिरिक्त कार्यभार) येथे बदली करण्यात आली आहे. अलका ससाणे – सहाय्यक आयुक्त (एम पूर्व विभाग) यांची सहाय्यक आयुक्त (एस विभाग) येथे बदली करण्यात आली आहे.
वक्फ बोर्डाची संपत्ती तुमच्या पप्पाची जहागीर नाही, काय म्हणाले की इम्तियाज जलील 
Comment List