वसईतील थरकाप उडवणारी घटना; पत्नीची हत्या करून मृतदेहाचे तुकडे झाडाझुडपात, नाल्यात धड

कौटुंबिक वादातून माथेफिरू पतीने पत्नीची हत्या करून तिच्या मृतदेहाचे तुकडे केले. त्याने तिचे शिर झाडाझुडपात तर धड नाल्यात फेकल्याची धक्कादायक घटना उघडकीस आली आहे. या घटनेनंतर वसई-विरार हादरले आहे. उत्पला हिप्परगी असे मृत पत्नीचे नाव असून तिचा पती हरीश याने ८ जानेवारी रोजी तिची हत्या केली होती.

१४ मार्च रोजी विरारफाटा येथील पिरकुंडा दर्गाजवळील झुडपात फेकलेल्या सुटकेसमध्ये एका महिलेचे शिर आढळून आल्याची माहिती मांडवी पोलिसांना मिळाली होती. याप्रकरणी गुन्हे शाखा ३ च्या पथकाने समांतर तपास करत एका सराफाच्या बटव्याच्या आधारे हत्येचा उलगडा केला होता. पोलिसांनी पती हरीशला बेड्या ठोकत पोलिसी खाक्या दाखवताच त्याने हत्येची कबुली दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.