देशातील भाजपशासित राज्यातील आमदारांवर सर्वाधिक गुह्यांचे खटले आहेत. यातील 45 टक्के आमदारांवर गुन्हेगारी खटले दाखल असल्याची माहिती स्वयंसेवी संस्था असोसिएशन ऑफ डेमोव्रॅटिक रिफॉर्म्स (एडीआर) च्या अहवालातून समोर आली आहे. एडीआरने 28 राज्ये आणि विधानसभा असलेल्या तीन पेंद्रशासित प्रदेशांमधील एकूण 4123 आमदारांपैकी 4092 आमदारांच्या निवडणूक प्रतिज्ञापत्रांचे विश्लेषण केले असून यातून ही धक्कादायक माहिती उघड झाली आहे. भाजपशासित राज्य उत्तर प्रदेश, महाराष्ट्र, बिहार या राज्यांत आमदारांवर सर्वाधिक खटले दाखल आहेत.
या अहवालानुसार, उत्तर प्रदेशात 403 पैकी 200 आमदारांवर, महाराष्ट्रात 288 पैकी 187 आमदारांवर, तर बिहारमध्ये 241 पैकी 158 आमदारांवर गुन्हेगारीचे खटले दाखल आहेत. 4 आमदारांवर भारतीय दंड संहितेच्या (आयपीसी) कलम 302 अंतर्गत हत्येचे आरोप आहेत, तर 226 जणांवर आयपीसीच्या कलम 307 आणि भारतीय दंड संहितेच्या कलम 109 अंतर्गत हत्येचा प्रयत्न केल्याचा आरोप ठेवण्यात आला आहे. याशिवाय 127 आमदारांवर महिलांवरील गुह्यांचे गुन्हे दाखल आहेत. यापैकी 13 जणांवर आयपीसीच्या कलम 376 आणि 376 (2)(एन) अंतर्गत बलात्काराचा आरोप ठेवण्यात आला आहे. कलम 376(2)(एन) एकाच पीडितेवर वारंवार होणाऱ्या लैंगिक हल्ल्यांशी संबंधित आहे. अहवालानुसार, 1861 आमदारांनी त्यांच्याविरुद्ध गुन्हेगारी खटले दाखल असल्याचे जाहीर केले आहे. यापैकी 1,205 जणांवर खून, खुनाचा प्रयत्न, अपहरण आणि महिलांवरील गुन्हे असे गंभीर आरोप आहेत. 24 आमदारांच्या प्रतिज्ञापत्रांचे स्पॅनिंग खराब असल्याने विश्लेषण करता आले नाही, तर विधानसभेत सात जागा रिक्त आहेत.
केंद्रात भाजपचे सरकार आल्यापासून भाजपला देणगी देणाऱ्यांची संख्या भरमसाठ वाढली आहे. एडीआरने दिलेल्या माहितीनुसार, 2023-24 या आर्थिक वर्षात भाजपला सर्वाधिक 4340.47 कोटी रुपयांचे देणगी मिळाली आहे. पक्षांना मिळणाऱ्या देणग्यांचा मोठा भाग निवडणूक रोख्यांमधून आला. भाजपने त्यांच्या एकूण उत्पन्नाच्या 50.96 टक्के म्हणजेच 2211.69 कोटी रुपये खर्च केल्याचेही एडीआरच्या अहवालात म्हटले आहे.
आंध्र प्रदेशचे मुख्यमंत्री चंद्राबाबू नायडू हे देशातील सर्वात श्रीमंत मुख्यमंत्री आहेत. त्यांच्याकडे तब्बल 931 कोटी रुपयांची संपत्ती आहे, तर पश्चिम बंगालच्या मुख्यमंत्री ममता बॅनर्जी 15 लाख रुपयांच्या संपत्तीसह सर्वात गरीब आहेत. अरुणाचल प्रदेशचे पेमा खांडू यांच्याकडे 332 कोटी रुपयांची संपत्ती, कर्नाटकचे सिद्धारामय्या यांच्याकडे 51 कोटी, मध्य प्रदेशचे मोहन यादव यांच्याकडे 42 कोटी, पुद्दुचेरीचे एन रंगासामी यांच्याकडे 38 कोटी, तेलंगणाचे रेवंत रेड्डी यांच्याकडे 30 कोटी, तर झारखंडचे हेमंत सोरेन यांच्याकडे 25 कोटी रुपयांची संपत्ती आहे.
Comment List