जळगावमध्ये रस्त्याच्या शेजारी झोपलेल्या कामगारांना अज्ञात वाहनाने चिरडले, तिघांचा मृत्यू

रस्त्याच्या शेजारी झोपलेल्या तीन कामगारांना अज्ञात वाहनाने चिरडल्याची घटना सोमवारी रात्री जळगावमध्ये घडली. तिघेही परप्रांतीय आहेत. अपघाताची माहिती मिळताच नशिराबाद पोलिसांनी घटनास्थळी धाव घेत मृतदेह शवविच्छेदनासाठी रुग्णालयात पाठवले.

जळगाव खुर्द गावाजवळील रेल्वे उड्डाणपुलाच्या बाजूला रस्त्याचे काम सुरू आहे. तेथेच मयत तिघे मजुरी करत होते. सोमवारी रात्री तिघेही रस्त्याच्या शेजारी असलेल्या लोखंडी पट्टीवर झोपले होते. यावेळी रात्री अज्ञात वाहनाने तिघांनाही चिरडल्याने जागीच त्यांचा मृत्यू झाला.

मंगळवारी सकाळी ही बाब उघडकीस आली. त्यानंतर नशिराबाद पोलिसांनी तात्काळ घटनास्थळी धाव घेतली. पोलीस अज्ञात वाहनाचा शोध घेत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.