शिरूर शहरातील तरुण-तरुणींना अश्लील वर्तन करण्यास मुभा देणाऱ्या ‘द स्टीम रुम ‘या कॅफेचालकावर गुन्हा दाखल करण्यात आला आहे. या कॅफेच्या मालकावर याअगोदर गुन्हा दाखल झाला असताना, त्यांनी पुन्हा हा कॅफे त्याचप्रकारे सुरू करून पोलिसांना एकप्रकारे आव्हान दिले होते.
आकाश रमेश लभडे (वय – 23, रा. अरणगाव, ता. श्रीगोंदा, जि. अहिल्यानगर) असे या कॅफेचालकाचे नाव आहे. याबाबत शिरूर पोलिसांनी दिलेल्या माहितीनुसार, शिरूरचे पोलीस निरीक्षक संदेश केंजळे यांना शिरूर शहर व परिसरातील शाळेतील तसेच कॉलेजमधील मुला-मुलींना अश्लील वर्तन करण्यास मुभा देण्यासाठी’ द स्टीम रुम’ या कॅफेमध्ये अवैध पार्टीशन केले असून, त्यामध्ये काही शाळकरी मुले व मुली हे असभ्य व अश्लील वर्तन करीत असल्याबाबत माहिती मिळाली होती. त्यानुसार सदर कॅफेवर तत्काळ कारवाई करण्याबाबतचे आदेश मालकावर दुसऱ्यांदा गुन्हा दाखल अरणगाव, ता. पोलीस निरीक्षक संदेश केंजळे यांनी तपास पथकाला दिले होते.
त्यानुसार पोलीस हवालदार नाथसाहेब जगताप, महिला पोलीस हवालदार भाग्यश्री जाधव, पोलीस अंमलदार नितेश थोरात, रवींद्र आव्हाड हे साध्या वेशात शिरूर शहरामधील रेव्हेन्यू कॉलनी येथील या कॅफेमध्ये जाऊन नाष्टा ऑर्डर देऊन बसले असताना, तेथे काही मुले व मुली कॅफेचालकाने पार्टीशन केलेल्या रुममध्ये बसून असभ्य व अश्लील कृत्य करताना आढळून आले. तसेच अजून काही शाळकरी मुले व मुलीदेखील तेथे येत असल्याचे दिसून आले.
कॅफेचालक आकाश रमेश लभडे (वय – 23, रा. श्रीगोंदा, जि. अहिल्यानगर) याच्यावर शिरूर पोलीस स्टेशन येथे गुन्हा भा. न्या. संहिता कायदा कलम 296 अन्वये गुन्हा दाखल करण्यात आला असून, त्याबाबत पोलीस अंमलदार रवींद्र बापूराव आव्हाड यांनी फिर्याद दिली आहे. सदर गुन्ह्याचा पुढील अधिक तपास पोलीस हवालदार देविदास खेडकर हे करीत आहेत.
Comment List