शरीराचं थकणं म्हणजेच मनाचं थकणं असतं. या मनाला आणि शरीराला तजेला आणण्यासाठी स्टीम बाथ हा सर्वात उत्तम उपाय मानला जातो. स्टीम बाथ आरोग्यासाठी खूप फायदेशीर मानलं गेलेलं आहे. आयुर्वेदामध्येही स्टीम बाथला खूप महत्त्व दिलं गेलंय. स्टीम बाथमुळे आपले शरीर तंदुरुस्त तर राहतेच, पण त्यामुळे त्वचा सुंदर बनण्यासही मदत होते. स्टीम बाथ केल्यास, आपल्या शरीराचा थकवा आणि सांध्यांच्या आरोग्यासाठीही उत्तम असते.
स्टीम बाथ करण्याचे फायदे
स्टीम बाथ मधुमेहींसाठी अतिशय उत्तम मानले जाते. तसेच स्टीम बाथमुळे जमा झालेला कफ बाहेर काढण्यासही खूप मदत होते.
सायनसच्या रुग्णांसाठी स्टीम बाथ खूप फायदेशीर आहे.
हृदयाच्या रुग्णांसाठी स्टीम बाथ खूप फायदेशीर आहे. यामुळे रक्ताभिसरण सुधारते म्हणजेच रक्तदाब कमी होण्यास मदत होते.
उन्हाळ्यात घामामुळे त्वचेची छिद्रे अनेकदा बंद होतात. तुम्ही दररोज स्टीम बाथ घेतल्यास तुमच्या शरीरातील घाण काढून टाकण्यासोबतच तुमच्या त्वचेची छिद्रे मोकळी होतात.
योग्य पद्धतीने स्टीम बाथ केल्याने कॅलरी बर्न होण्यास मदत होते. यामुळे वजनही कमी होते. याशिवाय, आपले शरीर गरम पाण्याच्या संपर्कात येते तेव्हा ते ल्यूकोसाइट्सला उत्तेजित करते. या पेशी संसर्गाशी लढण्यास मदत करतात. दररोज स्टीम बाथ घेतल्यास तुमची रोगप्रतिकारशक्ती आणखी वाढण्यास मदत होते.
स्टीम बाथ केवळ मनाला ताजेतवाने करत नाही तर शरीरातील थकवा आणि निद्रानाशाची समस्या देखील दूर करते.
(कोणतेही उपाय करण्याआधी तज्ज्ञांचा सल्ला घेणे आवश्यक आहे.)
About The Author
Comment List