रत्नागिरी विधानसभा मतदारसंघात प्रचाराचा झंझावात, 13 आणि 14 नोव्हेंबर रोजी प्रचाराच्या तोफा धडाडणार

रत्नागिरी विधानसभा मतदारसंघात प्रचाराची रणधुमाळी सुरू असून महाविकास आघाडीने प्रचारात आघाडी घेतली आहे. दि.13 नोव्हेंबर रोजी शिवसेना नेते,आमदार भास्कर जाधव यांच्या जाहिर सभा तर 14 नोव्हेंबर रोजी शिवसेना नेते,माजी खासदार विनायक राऊत यांच्या जाहिर सभा होणार आहेत.

रत्नागिरी विधानसभा मतदारसंघातून महाविकास आघाडीचे उमेदवार बाळ माने निवडणूक लढवत आहे.बाळ माने यांना जनतेतून उत्स्फुर्त प्रतिसाद मिळत असल्याने विरोधकांच्या पायाखालची वाळू सरकली आहे.पुढील दोन दिवस रत्नागिरी विधानसभा मतदारसंघात प्रचाराच्या तोफा धडाडणार आहेत. दि.13 नोव्हेंबर रोजी सकाळी 10 वाजता कर्ला येथे शिवसेना नेते,आमदार भास्कर जाधव यांची जाहिर सभा होणार आहे.त्यानंतर दुपारी 1 वाजता वाटद येथील जाहिर सभेत शिवसेना नेते,आमदार भास्कर जाधव मार्गदर्शन करणार आहेत.दि.14 नोव्हेंबर रोजी शिवसेना नेते , माजी खासदार विनायक राऊत यांच्या जाहिर सभा होणार आहेत. 14 नोव्हेंबर रोजी सकाळी 10 वाजता बसणी येथे बैठक होणार आहे. दुपारी 12 वाजता मिरजोळे येथे बैठक, दुपारी 3 वाजता रत्नागिरी शहरात बैठक,सायंकाळी आंबेशेत येथे बैठक आणि साडे सात वाजता सोमेश्वर मोहल्ला येथे बैठक होणार आहे.