भाजप ही महाबोगस पार्टी आहे. भाजपला पर्याय दिल्याशिवाय महाराष्ट्रातील शेतकरी, कष्टकरी, वंचित, महिला, तरुण आदी उपेक्षित वर्गाला चांगले दिवस येणार नाहीत, अशा शब्दात रासपचे अध्यक्ष महादेव जानकर यांनी देवेंद्र फडणवीस यांच्यावर निशाणा साधला.
पंढरपूर विधानसभा मतदार संघातील रासपचे उमेदवार पंकज देवकते यांच्या प्रचाराचा शुभारंभ रासपचे अध्यक्ष महादेव जानकर यांचे हस्ते करण्यात आला. श्री विठ्ठलाचे दर्शन घेवून त्यांनी संत नामदेव पायरी येथे प्रचाराचा नारळ फोडला. यावेळी पत्रकारांशी संवाद साधताना जानकर यांनी भाजपवर निशाणा साधला. ते म्हणाले की, भाजपने सत्तेच्या जोरावर पक्ष फोडले, घरं फोडली, काका पुतण्यात फूट पाडली. हे सगळं कटकारस्थान कोणी केलं हे सर्व जनतेला माहीत आहे. इतकेच नव्हे तर उद्धव ठाकरे आणि शरद पवार यांचे पक्ष आणि चिन्ह देखील पळविले. या सगळ्या राजकीय षडयंत्रामागचा किंगमेकर कोण आहे, हे लोकांना माहीत असल्याने, लोकांचा भाजपवर राग आहे आणि तो राग या विधानसभा निवडणुकीतून व्यक्त होईल अन् भाजपचा पाडाव झालेला आपल्याला दिसून येईल, असा विश्वास जानकर यांनी व्यक्त केला.
Comment List