Maharashtra Assembly Election 2024 : पुण्यात राहुल गांधींचा रोड शो होणार

पुण्यात प्रचारासाठी लोकसभेतील विरोधी पक्षनेते राहुल गांधी यांचा रोड शो होणार आहे. पुणे शहर काँग्रेस समितीकडून याबाबत विनंती पत्र पाठवण्यात आले होते. त्याला राहुल यांनी होकार कळवला आहे. पुण्यात जाहीर सभेऐवजी राहुल यांचा रोड शो होईल. त्याची तारीख लवकरच निश्चित केली जाईल, असे शहराध्यक्ष अरविंद शिंदे यांनी सांगितले. महाविकास आघाडीच्या पुण्यातील सर्व उमेदवारांसाठी हा रोड शो असेल असेही त्यांनी नमूद केले.

शिराळ्यात भाजपला मोठा धक्का

शिराळा मतदारसंघात भाजपने सत्यजीत देशमुख यांना उमेदवारी जाहीर केल्यानंतर नाराजी उफाळून आली आहे. इच्छुक सम्राट महाडिक यांनी बंडाचे निशाण फडकवले असून अपक्ष म्हणून अर्ज भरणार असल्याचे त्यांनी जाहीर केले. आज कार्यकर्त्यांचा मेळावा घेतल्यानंतर त्यांनी आपली भूमिका स्पष्ट केली. इस्लामपूर मतदारसंघात सम्राट यांचे बंधू राहुल महाडिक इच्छुक असून तेही अपक्ष अर्ज भरण्याच्या तयारीत आहेत.

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.