महायुतीचे उमेदवार सुरेश धस तुतारीचा प्रचार करणार, अजित पवार गटाच्या मिटकरींचा दावा

बीड जिह्यातील आष्टी मतदारसंघात महायुतीत मोठा वाद उफाळून आला आहे. भाजप आणि अजित पवार गटात हा वाद उफाळून आला असून अजित पवार गटाचे नेते अमोल मिटकरी यांच्या दाव्याने एकच खळबळ उडाली आहे. आष्टी मतदारसंघातील महायुतीचे उमेदवार सुरेश धस हे लवकरच शरद पवार यांच्या तुतारीचा प्रचार करताना दिसतील, असा दावा अमोल मिटकरी यांनी केला आहे. त्यांच्या या विधानाने एकच खळबळ उडाली आहे. आष्टी मतदारसंघातून महायुतीचे अधिकृत उमेदवार म्हणून भाजपने सुरेश धस यांना रिंगणात उतरवले, तर अजित पवार गटाने विद्यमान आमदार बाळासाहेब आजबे यांना उमेदवारी दिली. एकाच मतदारसंघात दोन-दोन उमेदवार देण्यात आल्याने महायुतीची चांगलीच डोकेदुखी वाढली आहे तर आष्टीत तुतारीची जबरदस्त हवा आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.