वर्ध्यात स्टील फॅक्टरीमध्ये भीषण स्फोट, दुर्घटनेत 22 कामगार जखमी

वर्ध्यात स्टील फॅक्टरीत भीषण स्फोट झाल्याची घटना बुधवारी उशिरा घडली. या स्फोटात 22 कामगार जखमी झाले असून काहींची प्रकृती चिंताजनक आहे. जखमींना तात्काळ नजीकच्या रुग्णालयात उपचारासाठी दाखल करण्यात आले. गंभीर जखमींना उपचारासाठी नागपूर येथील रुग्णालयात हलवण्यात आले.

वर्धा जिल्ह्यातील भूगाव येथील इव्होनिथ स्टील फॅक्टरीमध्ये ही स्फोटाची घटना घडली. कंपनीत मेटल ऑक्साईड आणि सिलिकॉन डायऑक्साइड यांचे मिश्रण असलेल्या स्लॅगच्या कूलिंग प्रक्रियेदरम्यान हा स्फोट झाला.

स्फोटानंतर फॅक्टरीत भीषण आग लागली. आगीची माहिती मिळताच अग्नीशमन दलाने तात्काळ घटनास्थळ गाठून आग विझवण्यासाठी शर्थीचे प्रयत्न केले. आगीत कंपनीचे मोठे नुकसान झाले. स्फोटाचे नक्की कारण समजू शकले नाही. अधिकाऱ्यांकडून तपास सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.