Home Remedies For Acidity- उन्हाळ्यातील अ‍ॅसिडिटीवर हे आहेत घरगुती रामबाण उपाय! नक्की करुन बघा

उन्हाळ्यात पोटात वायू तयार होणे ही एक सामान्य समस्या आहे. आर्द्रता वाढल्याने पचनक्रियेवरही परिणाम होतो. अ‍ॅसिडिटीमुळे अस्वस्थता, छातीत जळजळ आणि पोट खराब होणे यासारख्या समस्या उद्भवू शकतात. अशा परिस्थितीत, कमकुवत पचनक्रियेमुळे, खाल्लेले किंवा प्यालेले काहीही पचवणे कठीण होऊ शकते. त्यामुळे उन्हाळ्याच्या दिवसात पोटाची विशेष काळजी घेतली पाहिजे, बऱ्याचदा खाण्यापिण्यात निष्काळजीपणामुळे अन्नातून विषबाधा होण्याची समस्या होऊ शकते. म्हणून उन्हाळ्यात आहारामध्ये दह्याचा समावेश नक्की करा. तुम्हाला वारंवार अ‍ॅसिडिटीची समस्या येत असेल तर तुम्ही काही घरगुती आयुर्वेदिक टिप्स फॉलो करू शकता.

जिरे आणि धणे पाणी

जिरे आणि धणे दोन्ही पचनासाठी अतिशय उत्तम मानले जातात. यामुळे अ‍ॅसिडिटी कमी होते. हे दोन्ही मिसळून पाणी पिल्याने पोटाला थंडावा मिळतो. बद्धकोष्ठता, पोट फुगणे आणि पोटदुखीसाठी देखील हे खूप प्रभावी आहे. एका ग्लास पाण्यात 1 चमचा जिरे आणि 1 चमचा धणे टाका आणि ते चांगले उकळवून नंतर ते थंड करून प्या.

 

 

बडीशेप आणि कोथिंबीर पाणी

बडीशेप पोटाला थंडावा देते. हे केवळ पोट थंड ठेवत नाही तर तोंडाची दुर्गंधी देखील दूर करते. जर तुम्हाला गॅस असेल तर तुम्ही धणे आणि बडीशेपचे पाणी पिऊ शकता. एक चमचा बडीशेप आणि धणे एकत्र करून चांगले मिक्स करा आणि थंड झाल्यावर तुम्ही त्याचे पाणी पिऊ शकता.

 

 

नारळ पाणी

नारळ पाणी आम्लपित्त कमी करण्यासाठी खूप प्रभावी आहे. हे पचनसंस्थेला शांत करते. यामुळे चयापचय क्रिया देखील चांगली होते. तसेच वजन कमी करण्यासाठीही नारळ पाणी खूप फायदेशीर मानले जाते. दररोज एक नारळ पाणी प्यायल्याने अ‍ॅसिडिटीच्या समस्येपासून आराम मिळतो.

 

 

ओवा आणि गूळाचे पाणी

ओवा खाल्ल्याने पोटातील आम्लता कमी होण्यास मदत होते. ते गुळासोबत खाल्ल्याने पोटातील गॅस आणि अ‍ॅसिडिटीची समस्या कमी होते. 1 चमचा ओवा आणि गुळाचा एक छोटा तुकडा खा, यामुळे गॅसपासून लवकर आराम मिळतो.

(कोणतेही उपाय करण्याआधी तज्ज्ञांचा सल्ला घ्यावा.)