अभिनेत्याची फसवणूक; एकाला अटक

पेड टास्कच्या नावाखाली मराठी हास्य कलाकाराची 61 लाखांची फसवणूक प्रकरणी अक्षयकुमार गोपाईनकुमार याला उत्तर सायबर पोलिसांनी अटक केली. त्याने सायबर ठगांना बँक खाती पुरवल्याचे तपासात समोर आले आहे.

तक्रारदार हे हास्य कलाकार आहे. फेब्रुवारीत त्यांना एका महिलेने मेसेज केला. टेलिग्राम आणि इतर सोशल मीडियावर आलेल्या लिंकना लाईक्स करायचे आहे. प्रत्येक लाईक्सला 150 रुपये दिले जातील असे त्यांना सांगितले. त्यावर अभिनेत्याने विश्वास ठेवला. सुरुवातीला त्याना 11 हजार रुपये पेड टास्कच्या माध्यमातून मिळाले. त्या रक्कमेला अभिनेता बळी पडला. त्याने 27 लाख रुपये गुंतवले. ठगाने अभिनेत्याकडून आणखी 19 लाख घेतले. हा प्रकार संशयास्पद वाटल्याने त्याने उत्तर सायबर पोलीस ठाण्यात धाव घेतली. पोलिसांनी गुन्हा नोंद केला. तपासादरम्यान पोलिसांना महत्त्वाची माहिती मिळाली. त्या माहितीच्या आधारे पोलिसांनी अक्षयकुमारला अटक केली. त्याच्या बँक खात्यात फसवणुकीची काही रक्कम जमा झाली होती. तो काही सायबर ठगांच्या संपका&त होता. सायबर ठगांच्या सांगण्यावरून त्याने ठगांना बँक खाती उघडून दिली होती. त्याला काही रक्कम कमिशन म्हणून मिळत होती. त्याला न्यायालयीन कोठडी सुनावण्यात आली आहे.