मासिकपाळीच्या स्वच्छतेसाठी सॅनिटरी नॅपकीन्स,टेम्पॉन्स,मॅन्युस्टरल कप ही साधने सहज उपलब्ध असतात. साधारपणे भारतामध्ये तरुण अविवाहित मुली सॅनिटरी नॅपकीनचा वापर करतात. ज्यांचा मासिक रक्तस्त्राव कमी प्रमाणात असतो त्या टेम्पॉन्स वापरु शकतात. त्याचप्रमाणे काहीजणी त्यांच्या मासिक पाळीचा दिवस व फ्लोनूसार वेगवेगळ्या प्रकारचे सॅनिटरी नॅपकीन अथवा इतर साधने वापरतात.
सध्याच्या घडीला अनेक महिला या मासिक पाळीत वापरणा-या साधनांच्या प्रकार व ब्रॅन्ड बाबत अधिकच जागरुक असतात. तुमच्या गरजेनूसार एकाच प्रकारची व ब्रॅन्डची ही सुरक्षेची साधने निवडणे हा उत्तम पर्याय असू शकतो. सतत निरनिराळे ब्रॅन्ड वापरल्यामुळे गैरसोय होऊ शकते.
मासिक पाळी दरम्यान वापरण्यात येणारी स्वच्छता साधने वारंवार बदलणे आवश्यक आहे. तुम्हाला कमी रक्तस्त्राव होत असेल किंवा तुमचे सॅनिटरी पॅड खराब झाले नसेल तरी तुम्ही स्वच्छता साधने वेळेवर बदलणे गरजेचे आहे. कारण असे न केल्यास तुम्हाला मूत्रमार्गातील इनफेक्शन,वजानल इनफेक्शन आणि त्वचेवर रॅशेस येण्याची शक्यता असते. त्यामुळे दर सहा तासांनी सॅनिटरी पॅड व दर दोन तासांनी टेम्पॉन्स बदलणे योग्य असू शकते.
थोडक्यात ज्यांना अती रक्तस्त्राव होतो त्यांची ही साधने बदलण्याची वेळ ही अजून कमी असू शकते तर ज्यांना कमी रक्तस्त्राव होतो त्यांनी ही वेळ वाढवण्यास हरकत नाही. पण वेळ ठरवल्यानंतर एखाद्या दिवशी तुम्हाला कमी रक्तस्त्राव झाला तरी तुम्ही तुमचे पॅड बदलणे आवश्यक आहे.
टेम्पॉन्स वापरताना याची विशेष दक्षता घ्या कारण ते योनीमार्गात आत बसवावे लागतात.त्यामुळे ते वरचेवर बदलले नाही तर जंतुसंसंर्ग होऊन टॉक्सिक शॉक सिन्ड्रोम टीएसएस सारखे गंभीर विकार होऊ शकतात. या विकारावर लवकर उपचार न झाल्यास ही समस्या प्राणघातक असू शकते.
(कोणताही उपाय करण्याआधी तज्ज्ञांचा सल्ला अवश्य घ्यावा.)
About The Author
Comment List