नारळाचे दूध फक्त जेवणाची चवच वाढवत नाही तर आरोग्यासाठी ते फायदेशीर आहे. त्याचे फायदे जाणून घेऊन तुम्हालाही आश्चर्य वाटेल. हे दूध ताज्या नारळाच्या लगद्यापासून तयार केले जाते. त्याच्या समृद्ध, चवदार आणि मलाईयुक्त पोत साठी ते जगभरात प्रसिद्ध आहे. नारळाच्या दुधाचा उपयोग फक्त जेवणाची चव वाढवण्यासाठी नाही तर आरोग्यासोबतच सौंदर्य वाढवण्यासाठी होतो. अशा धकाधकीच्या जीवनात अनेक लोक त्यांच्या आरोग्याबाबत अधिक जागृत होत आहेत. नारळाचे दूध हे आरोग्यदायी पर्याय म्हणून फायदेशीर ठरत आहे.
नारळाचे दूध केवळ पोषक तत्वानी समृद्ध नसून त्यात लोह,सेलेनियम, सोडियम, कॅल्शियम, मॅग्नेशियम आणि फॉस्फरस त्याचसोबत जीवनसत्वे C, E, B1, B3, B5 आणि B6 आहेत. याशिवाय त्यात असलेले नैसर्गिक फॅट्स आणि अँटिऑक्सिडंट तुमची प्रतिकारशक्ती वाढवण्यास मदत करतात.तसेच हृदय निरोगी ठेवण्यास आणि वजन कमी करण्यास देखील मदत करते. यामुळे त्वचेवर चमक येते आणि केसही चमकदार होतात. याशिवाय तणाव कमी करण्यासाठी आणि मानसिक शांतीसाठी देखील हे उपयुक्त आहे. जाणून घेऊया नारळाच्या दुधाचे इतर कोणते फायदे आहेत.
रोगप्रतिकारक शक्ती वाढवते. नारळाच्या दुधामध्ये लॉरीक ॲसिड असते, जे अँटीबॅक्टेरियल, अँटिव्हायरल आणि अँटिफंगल गुणधर्मानी समृद्ध आहे. हे शरीराची रोगप्रतिकारक शक्ती मजबूत करण्यास मदत करतात. ज्यामुळे रोगांपासून आपल्या शरीराचे संरक्षण होते.
वजन कमी करण्यासाठी फायदेशीर
धावपळीच्या जीवनशैलीमुळे अनेक लोकांचे वजन वाढले आहे. जे कमी करण्यासाठी ते अनेकदा विविध प्रकारचे आहार घेतात आणि व्यायाम करतात. वजन कमी करण्यासाठी आहारात नारळाचा दुधाचा समावेश केल्यास वजन कमी होण्यास मदत होते. नारळाच्या दुधात असलेले मध्यम ट्रायग्लिसराइड्स फॅटचे ऊर्जेत रूपांतर करतात जे चयापचय गतिमान करते आणि वजन कमी करण्यास मदत करते.
पचन संस्था सुधारते
नारळाचे दूध पचनक्रिया सुधारण्यासाठी देखील अत्यंत फायदेशीर आहे. नारळाच्या दुधात मोठ्या प्रमाणात फायबर असते जे पचन संस्था सुधारण्यास मदत करते आणि बद्धकोष्ठते सारख्या समस्येपासून आराम देते. जर तुम्हालाही या समस्या असतील तर तुमच्या आहारात नारळाच्या दुधाचा समावेश आवश्यक करा.
त्वचा आणि केसांसाठी फायदेशीर
नारळाचे दूध त्वचा आणि केसांसाठी देखील फायदेशीर आहे. हे त्वचेला हायड्रेट करते आणि केसांना पोषण देते. तुम्ही याचा मास्क बनवून देखील लावू शकता. याचा समावेश तुम्ही तुमच्या आहारातही करू शकतात.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List