राष्ट्रवादी काँग्रेस शरद पवार यांच्या पक्षाने आपल्या उमेदवारांची पाचवी यादी जाहीर केली आहे. या यादीत शरद पवार यांनी एकूण पाच जागांसाठी आपले उमेदवार जाहीर केले आहेत.
राष्ट्रवादी काँग्रेस शरदचंद्र पवार पक्षाच्या अधिकृत X हॅंडलवर ही यादी जाहीर करण्यात आली आहे. या यादीत माढा, मुलुंड, मोर्शी, पंढरपूर आणि मोहोळ या मतदारसंघातून उमेदवारी देण्यात आली आहे. माढामधून अभिजीत पाटील यांची उमेदवारी जाहीर करण्यात आली आहे. तर मुलुंडमधून संगिता वाजे यांना उमेदवारी देण्यात आली आहे. मोर्शीमधून गिरीश कराळे, पंढरपूरमधून अनिल सावंत आणि मोहोळमधून राजू खरे यांना उमेदवारी जाहीर करण्यात आली आहे.
गेल्या 24 ऑक्टोबर रोजी शरद पवार गटाकडून 45 उमेदवारांची पहिली यादी जाहीर करण्यात आली होती. त्यांनतर 26 तारखेला 22 उमेदवारांची दुसरी यादी तर 27 ऑक्टोबरला 9 उमेदवारांची तिसरी यादी जाहीर करण्यात आली होती. यानंतर 28 ऑक्टोबर रोजी 7 उमेदवारांच्या नावांची चौथी यादी जाहीर केली होती. यानंतर आज आणखी 5 उमेदवारांच्या नावाची पाचवी यादी पक्षाकडून जाहीर करण्यात आली आहे. त्यामुळे आत्तापर्यंत राष्ट्रवादी काँग्रेसतर्फे एकूण 87 उमेदवारांचे नावे जाहीर करण्यात आली आहेत.
Comment List