मध्य प्रदेशात एक थरकाप उडवणारी घटना घडली आहे. एका नवविवाहीतेला ओलीस ठेवून तिच्यावर पाच जणांनी बलात्कार केल्याची संतापजनक घटना घडली आहे. आरोपींनी घटनेचा व्हिडीओ बनवून तो व्हायरल करण्याची धमकी दिली होती. पोलिसांनी या घटनेचा गुन्हा दाखल करुन संशयितांना ताब्यात घेतले आहे.
रीवा जिल्ह्यातील गुढं येथील पर्यटन स्थळ असलेल्या भैरव बाबा येथे नवदाम्पत्य पिकनिकसाठी गेले होते. दरम्यान पाच अज्ञात नराधमांनी त्या दाम्पत्याला मारहाण केली आणि नवऱ्याला ओलीस ठेवण्यात आले. आरोपींनी आळीपाळीने महिलेवर सामुहीक बलात्कार केला.
पोलिसांनी दिलेल्या माहितीनुसार, आरोपिंनी संपूर्ण घटनेचा व्हिडीओ बनवला होता आणि व्हायरल करण्याची धमकी दिली होती. ज्याने पिडीतेने तक्रार दाखल केली होती. ही घटना सोमवारी घडली होती. मंगळवारी या घटनेची तक्रार नोंदविण्यात आली आहे. पोलिसांनी आतापर्यंत अनेक संशयितांना अटक केली आहे. पिडीतेने पाच आरोपी असल्याचे सांगितले आहे. पोलिसांनी 5 आरोपींना अटक केली आणि अन्य सहभागी आरोपींचा तपास करत आहेत. पोलीस अधिक्षक विवेक सिंह यांनी सांगितले की, पोलिसांनी अनेक संशयितांना ताब्यात घेऊन चौकशी केली. घटनेत सहभागी 5 आरोपींना अटक केली असून अन्य आरोपींचा शोध घेतला जात आहे.
दरम्यान या घटनेत सहभागी असलेल्या संशयितांचा एक व्हिडीओ समोर आला आहे. ज्यामध्ये सर्व आरोपी दारु पार्टी करताना दिसत आहेत. एका आरोपीने सांगितले की, तिथे सर्व नशा करत होते. दरम्यान ते नवदाम्पत्याला पाहून भरकटले आणि पीडितेच्या नवऱ्याला मारहाण केली त्याचे हात बांधले. सर्व आरोपींनी आळीपाळीने बलात्कार केला.
Comment List