कुणाल कामराची मुंबई उच्च न्यायालयात धाव, गुन्हे रद्द करण्याची मागणी

कुणाल कामरावर मुंबई पोलिसांत गुन्हे दाखल झाले होते. आता कामराने मुंबई उच्च न्यायालयात धाव घेतली आहे. आपल्यावर दाखल झालेल्या गुन्ह्याविरोधात कामराने न्यायालयात आव्हान दिले आहे. कुणाल कामराने उपमुख्यमंत्री एकनाथ शिंदे यांच्यावर विडंबन गीत सादर केलं होतं. त्यामुळे दिलेल्या तक्रारीवरून पोलिसांनी कामराविरोधात गुन्हे दाखल केले होते.

उच्च न्यायालयात जाण्यापूर्वी कामराने मुंबई पोलिसांना पत्र लिहिले होते. व्हिडीओ कॉन्फरन्सद्वारे हजर होण्याची परवानगी मागितली होती. खार पोलिसांकडून कामराला तीन वेळा समन्स जारी केले होते. कामराने एकदाही पोलिसांकडे हजेरी लावली नव्हती, त्यानंतर कामराने पत्र लिहून ही विनंती केली होती. 2 एप्रिल रोजी कामराला तिसरे समन्स जारी करण्यात आले होते. पाच एप्रिलला चौकशीसाठी हजर राहण्याचे आदेश दिले गेले होते. कुणाल कामराने मद्रास उच्च न्यायालयात धाव घेतली होती, तेव्हा कोर्टाने कामराला कोर्टाने दिलासा दिला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.