Dinanath Mangeshkar Hospital – गर्भवती मृत्यूप्रकरणी शिवसैनिक आक्रमक, धर्मादाय आयुक्त कार्यालयात आंदोलन

पुण्यात दीनानाथ मंगेशकर रुग्णालयाच्या मुजोरपणामुळे उपचाराअभावी एका गर्भवती महिलेला जीव गमवावा लागल. यामुळे पुणेकर संतप्त झाले असून शिवसेना (उद्धव बाळासाहेब ठाकरे) पक्षाच्या कार्यकर्त्यांनीही तीव्र संताप व्यक्त करत धर्मादाय आयुक्त कार्यालयात आंदोलन केलं आहे. दीनानाथ मंगेशकर रुग्णालयावर करवूं झाली नाही तर, आम्ही तीव्र आंदोलन करू, अशा इशारा यावेळी शिवसैनिकांनी दिला आहे.

दरम्यान, तनिषा भिसे यांना बुधवारी प्रसुतीसाठी दीनानाथ मंगेशकर रुग्णालयामध्ये दाखल करण्यासाठी आणले होते. मात्र, क्रिटीकल शस्त्रक्रिया असल्यामुळे रुग्णालयाने तत्काळ दहा लाख रुपये भरण्यास सांगितले. आम्ही अडीच लाख रुपये आता भरतो, उर्वरित पैसे लगेच भरले जातील असे नातेवाईकांनी सांगितले. परंतु, प्रशासनाने ऐकले नाही. त्यामुळे तनिषा यांना दुसऱ्या रुग्णालयात हलवले. रूग्णालयाच्या मुजोरपणामुळे तनिषा यांचा मृत्यू झाला, असा आरोप कुटुंबियांनी केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.