उसाचा किंवा द्राक्षांचा रस नाही तर प्या चंदनाचं सरबत, दिसतील चमत्कारिक फायदे, कसं बनवायचं पाहा

उन्हाळ्यात शरीर थंड ठेवण्यासाठी आपण अनेक प्रकारची पेये पित असतो. लस्सी, ताक, उसाचा रस, सफरचंदाचा रस, कैरीचे पन्हे, लिंबू पाणी इत्यादी पेये उन्हाळ्यात फायदेशीर मानली जातात. पण तुम्ही चंदनाच्या सरबतबद्दल कधी ऐकलं आहे का? होय, उन्हाळ्यात चंदनाचे सरबत शरीरासाठी खूप फायदेशीर मानले जाते. हे सरबत तुम्हाला उष्माघात आणि डिहायड्रेशनपासून वाचवते. याशिवाय, हे पेय तुम्हाला उन्हाळ्यात होणाऱ्या पोटाच्या आजारांपासून देखील दूर ठेवते. चंदनाचा सरबत बनवणं देखील अगदीच सोपे असते. चला पाहुयात हे सरबत नेमकं कसं बनवायचं ते?

चंदनाचे सरबत शरीराला थंड कसं ठेवते?

चंदन त्याच्या सुगंधासाठी तसेच थंडावा देणाऱ्या गुणधर्मासाठी ओळखले जाते. उन्हाळ्यात चंदनाच्या सरबताचे सेवन करणे फायदेशीर मानले जाते कारण ते शरीराला थंड ठेवते. उन्हाळ्याच्या काळात वाढत्या तापमानामुळे शरीरात अनेक बदल होतात, ज्यामध्ये पचन आणि रक्ताभिसरण हे प्रमुख घटक आहेत. चंदनाचे सरबत प्यायल्याने शरीर थंड राहते, म्हणून उन्हाळ्यात त्याचे सेवन अत्यंत उपयुक्त मानले जाते.

चंदनाचे सरबत तुम्हाला उष्माघातापासून वाचवतं

उन्हाळ्यात उष्माघात ही एक मोठी समस्या आहे. उष्माघातामुळे व्यक्ती आजारी पडते आणि कधीकधी त्याचा मृत्यूही होऊ शकतो. उष्माघात टाळण्यासाठी, थंड अन्नपदार्थांचे सेवन करणे आणि उन्हापासून स्वतःचे संरक्षण करणे महत्वाचे आहे. चंदनाचा थंडावा असतो, त्यामुळे ते उष्माघातापासून देखील संरक्षण करते. उन्हाळ्यात तुम्ही अधूनमधून चंदनाचे सरबत घेऊ शकता.

चंदनाचे सरबत बनवण्यासाठी लागणारं  मिश्रण

साखर 1 किलो
3 लिटर पाणी
चंदन पावडर 30 ग्रॅम
दूध अर्ध्या कपपेक्षा कमी (100 ml)
केवडा वॉटर एसेन्स (10-15 थेंब)
2 लिंबाचा रस.

चंदनाचे सरबत कसं बनवायचे?

चंदनाचे सरबत बनवण्यासाठी, प्रथम चंदन पावडर घ्या आणि ती एका सुती कापडात बांधा जेणेकरून एक गठ्ठा तयार होईल. एका मोठ्या भांड्यात पाणी आणि साखर घाला आणि ते मोठ्या आचेवर ठेवा. पाणी उकळायला लागलं की त्यात दूध घाला. दूध घातल्यानंतरही ते 3 ते 4 मिनिटे उकळवा. जरी चंदनाला स्वतःच एक तीव्र सुगंध असतो, परंतु तुम्हाला हवे असल्यास, तुम्ही त्यात केवडाचे पाणी देखील घालू शकता. शेवटी,2 चमचे लिंबाचा रस घाला आणि लक्ष द्या की, भांड्याच्या कडापर्यंत फेससारखं आलं आहे का?

पाणी आणि साखर चांगले विरघळून पातळ सरबत तयार होईल याची खात्री करा. आता ते गॅसवरून उतरवा आणि लगेचच चंदन पावडरचा तो गठ्ठा किंवा ती पोटली या पाण्यात बुडवा. लक्षात ठेवा की तुम्हाला चंदन पावडर थेट पाण्यात मिसळण्याची नाही. चंदनाची पोटली रात्रभर पाण्यात तशीच राहू द्या. सकाळी, गठ्ठा बाहेर काढा, पाणी चांगले मिसळा आणि नंतर ते गाळून घ्या. आता चंदनाच्या सरबतासाठी लागणारं मिश्रण तयार आहे. तुम्ही ते फ्रीजमध्ये स्टोर करू शकता.

आता जेव्हा तुम्हाला चंदनाचं सरबत बनवायचं असेल, तेव्हा एक ग्लास थंड पाण्यात 5 चमचे हे तयार केलेलं मिश्रण मिसळा आणि तुमचा चंदनाचं सरबत तयार होईल.

(महत्वाची टीप: चंदन आणि त्याची पावडर सामान्यतः सौंदर्यासाठी वापरली जाते. पण आयुर्वेदात, चंदनाचे सेवन अगदी कमी प्रमाणात करणे सुरक्षित मानले जाते. चंदन पावडर थेट मोठ्या प्रमाणात वापरू नये. यासोबतच, जास्त काळ चंदनाचे सेवन न करण्याची सूचना देखील देण्यात आली आहे. किडनीच्या रुग्णांनी हे सरबत पिऊ नये. तसेच काहीही वाटल्यास एकदा डॉक्टरांचा सल्ला नक्की घ्या)