हाफिज सईदला मोठा धक्का, लश्करच्या फायनॅन्सरची गोळ्या घालून हत्या

लश्कर ए तोयबाचा म्होरक्या आणि मुंबईवरील दहशतवादी हल्ल्याचा मास्टरमाईंड हाफिज सईदला मोठा धक्का बसला आहे. हाफिजचा नातेवाईक व लश्कर ए तोयबाचा फायनॅन्सर असलेल्या कारी अब्दू रेहमान याची गोळ्या घालून हत्या करण्यात आली आहे. कराची येथे रेहमानच्या दुकानात अज्ञात व्यक्तींनी त्याच्यावर गोळीबार केला. या गोळीबारात त्याचा जागीच मृत्यू झाला. या घटनेचा व्हिडीओ सोशल मीडियावर व्हायरल झाला आहे.

गेल्या आठवड्यातही हाफिज सईदचा सहकारी व जम्मू-कश्मीरमधील दहशतवादी हल्ल्यांमागील सूत्रधार अबू कताल ऊर्फ कताल सिंघी याची गोळ्या घालून हत्या करण्यात आली होती. झेलम परिसरात कताल आपल्या सुरक्षा रक्षकासोबत प्रवास करत होता तेव्हा अज्ञात हल्लेखोरांनी अंदाधुंद गोळीबार केला. त्यावेळी हाफिज सईद देखील त्याच्याबरोबर होता. दरम्यान, या हल्ल्यानंतर हाफिज सईदने तिथून पळ काढला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.