सलमान खान आणि गँगस्टर लॉरेन्स बिश्नोई यांच्यात 1998 पासून वाद सुरू आहे. लॉरेन्स बिश्नोईने सलमानला अनेक वेळा जीवे मारण्याची धमकी दिली होती. त्यानंतर अभिनेत्याची सुरक्षा लगेच वाढवण्यात आली. परंतु ऑक्टोबर 2024 मध्ये बिश्नोईने सलमानचा जवळचा मित्र बाबा सिद्दीकीची सार्वजनिक ठिकाणी गोळ्या घालून हत्या केली तेव्हा सर्वांनाच धक्का बसला. यानंतर सलमानची सुरक्षा अधिक वाढवण्यात आली. सुरक्षेच्या कारणास्तव ‘सिकंदर’ चा भव्य ट्रेलर लाँच इव्हेंट म्हणूनच रद्द करण्यात आला होता. नुकताच चित्रपटाच्या एका कार्यक्रमादरम्यान, सलमानने लॉरेन्स बिश्नोई आणि त्याच्या धमक्यांबाबत मौन सोडले.
कार्यक्रमादरम्यान सलमानला विचारण्यात आले की, त्याला मिळणाऱ्या जीवे मारण्याच्या धमक्यांना तो घाबरत नाही का? यावर तो म्हणाला, ‘जेवढं आयुष्य आहे तेवढं ते जगायचं बाकी सर्व देव, अल्लाह यांच्या हातात आहे.’
सलमान लॉरेन्स बिश्नोई वाद नेमका काय आहे?
1998 मध्ये ‘हम साथ साथ हैं’ चित्रपटाच्या शूटिंगदरम्यान सलमानने एका काळवीटाची शिकार केल्याचा आरोप आहे. तथापि, सलमानने आणि त्याचे वडील सलीम खान यांनी हे सर्व आरोप नाकारले आहेत. या प्रकरणात, 2006 मध्ये कोर्टाने सलमानला 1 वर्षाची शिक्षा सुनावली होती, तर जोधपूर कोर्टाने त्याला 5 वर्षांची शिक्षा सुनावली होती. तथापि, 7 एप्रिल 2018 मध्ये सलमानला 50 हजार रुपयांच्या वैयक्तिक जामीन मंजूर करण्यात आला. तर, राजस्थान उच्च न्यायालयाने 2016 मध्येच सलमानला काळवीट शिकार प्रकरणातून निर्दोष मुक्त केले होते.
लॉरेन्स बिश्नोईने सलमानबाबत काय म्हटले होते?
बिश्नोई समाज प्राण्यांचे, विशेषतः काळवीटांचे रक्षण करण्यासाठी ओळखला जातो. ते काळे हरण हे त्यांचे गुरु जंबेश्वर यांचे अवतार मानतात. सलमानमुळे संपूर्ण बिश्नोई समुदाय दुखावला गेला होता. 2018 मध्ये जोधपूर न्यायालयात हजर असताना लॉरेन्स बिश्नोईने सलमानला सर्वांसमक्ष मारण्याची धमकी दिली होती.
About The Author
Comment List