जळगावात एका सरपंचाची निर्घृण हत्या झाली, त्यामुळ राज्यात कायदा सुव्यवस्था ढासळलेली आहे अशी टीका एकनाथ खडसे यांनी केली आहे. तसेच एका मुलीची कुणी छेड काढली तर तिने आत्महत्येचा प्रयत्न केला होता, राज्यात महिला सुरक्षेचा प्रश्न निर्माण झाला आहे असेही खडसे म्हणाले.
एकनाथ खडसे म्हणाले की, जळगाव जिल्ह्यामध्ये मोठ्या प्रमाणावर कायदा सुव्यवस्था ढासळलेली आहे. कालच आमच्या इथे एका सरपंचाची निर्घृण हत्या झाली. राज्यात लोकप्रतिनिधी सुरक्षित नाही. जळगाव जिल्ह्यामध्ये धरणगावात एका मुलीची कुणी छेड काढली, तर तिने आत्महत्या करण्याचा प्रयत्न केला. राज्यात महिला सुरक्षेचा प्रश्न निर्माण झाला आहे असेही खडसे म्हणाले.
आपल्या नातीची ज्यांनी छेड काढली त्यातील काही गुन्हेगार अद्याप सापडलेले नाही असे खडसे म्हणाले. पोलीस याबाबतीत हलगर्जीपणा करत आहेत, जळगाव जिल्ह्याची कायदा सुव्यवस्था इतकी बिघडलेली आहे की आता पोलिसांचा धाक राहिलेला नाही, असेही खडसे म्हणाले.
Comment List